2019-ին եւ 2020-ի սկզբին տարբեր ոլորտներում գնանկումներ են գրանցվել: Այս մասին, այսօր՝ ապրիլի 9-ին, կառավարության նիստի ժամանակ նշեց ՀՀ վարչապետ Նիկոլ Փաշինյանը:
«Եթե մենք հանկարծ արհեստական միջամտություն անենք գների նկատմամբ, ի դեպ, այդպիսի կոչեր հնչում են, ապա մենք շուկայում կունենանք դեֆիցիտ: Գործարարները կդադարեն ապրանքներ ներկրել, եթե դա իրենց ձեռնտու չլինի: Այսինք մի կողմից չպետք է արհեստական միջամտություն լինի, մյուս կողմից չպետք է թույլ տալ, որ այս իրավիճակից գերշահույթներ ստանալու փորձեր լինեն: Հայաստանն այն երկրներից է, որտեղ դատարկ ցուցափեղկերի երեւույթ չի նկատվել, ինչը գրանցվել է շատ զարգացած երկրներում»,-ընդգծեց վարչապետը: