Կառավարության անունից «Գազպրոմի» վարչության նախագահ Ալեքսեյ Միլլերին հղած՝ մատակարարվող գազի գնի փոփոխության շուրջ բանակցություններ սկսելու վերաբերյալ նամակի պատասխանը դեռ չի ստացվել: Այս մասին ապրիլի 9-ին լրագրողների հետ հանդիպման ժամանակ ասաց փոխվարչապետ Մհեր Գրիգորյանը, որն էլ հենց ավելի վաղ գրել էր նամակը:
Նա պարզաբանեց, որ աշխատանքային եւ հանգստյան օրերի խնդիր կա, ուստի պատասխանը կստացվի մի փոքր ավելի ուշ: «Իրավիճակը կհստակեցվի, երբ հարցման շուրջ քննարկումները հրապարակային բնույթ կրեն: Այդ ժամանակ էլ պարզ կլինի, թե ինչ ներդրումների մասին է խոսքը, եւ ապագայում ինչպիսին կլինի դրանց նշանակալիությունը»,- պարզաբանեց Գրիգորյանը:
