Մենք բոլոր բուժհաստատություններին, հատկապես այն մասում, որտեղ շփվում են դրսից եկած պացիենտների հետ, հրահանգել ենք պահպանել անձնական պաշտպանության կանոնները՝ անկախ պացիենտի կարգավիճակի մասին տեղեկացված լինելու: Այս մասին այսօր՝ ապրիլի 10-ին, լրագրողների հետ հանդիպման ժամանակ նշեց առողջապահության նախարար Արսեն Թորոսյանը:
«Այսինքն բուժհաստությունը յուրաքանչյուր պացիենտի պետք է վեաբերվի որպես պոտենցիալ կորոնավիրուսային վարակով պացիենտի»,-ասաց նա:
Հարցին, թե դեռ որքան ժամանակ վերադարձ չի լինի նախկին բնականոն կյանքին, նախարարը պատասխանեց՝ առնվազն 1-2 տարի:
«Ես չեմ վարանում իմ սխալներն ընդունել, եթե այդպիսիք եղել են, եւ ինքս էլ ուղղում եմ, օրինակ դիմակների մասով: Ընդհանրապես, ստերիլ պետական պաշտոնյաներ ունենալու պահանջը, ինձ թվում, է այնքան էլ ճիշտ չէ: Որովհետեւ եթե հիվանդությունը նոր է եւ դրա մասին շատ բաներ հայտնի չեն, ես հնարավոր է անեմ հայտարարություն օրինակ մեկ ամիս առաջ, հետո պարզվի, որ ինչ-որ բան է հայտնաբերվել եւ այդ հայտարարությունը հավաստի չի: Ես չեմ վարանի ասել, որ հենց այդպես էլ եղել է»,-ընդգծեց նա:
