2021 թվականին հայ արտահանողների համար կդադարեցվի GSP+ ռեժիմի գործունեությունը մինչեւ 6 անուն ապրանք առանց մաքսատուրքի մատակարարելու համար, քանի որ Հայաստանն այժմ դասվում է եկամտի միջին մակարդակ ունեցող երկրների շարքին: Այդ մասին Հայաստանի Ազգային ժողովում Տարածաշրջանային եւ Եվրասիական ինտեգրման հարցերով մշտական խորհրդարանական հանձնաժողովի նիստի ժամանակ հայտնարարել է էկոնոմիկայի փոխնախարար Ավագ Ավանեսյանը:
Փոխնախարարի խոսքով՝ կառավարությունը մտադիր է կորոնավիրուսի պանդեմիայի անկումից հետո շարունակել բանակցությունները ԵՄ-ի հետ առեւտրային պրեֆերենցիաների ռեժիմը պահպանելու շուրջ բանակցությունները:
«Դժվար է այժմ ինչ-որ կանխատեսումներ անել այդ հարցում, քանի որ մենք չգիտենք՝ պետք է արդյոք դա Եվրոպային՝ նաեւ հաշվի առնելով անորոշությունը, որն այսօրվա դրությամբ կա»,-ասել է Ավանեսյանը:
Ընդ որում՝ նա ընդգծել է, որ GSP+ի շրջանակում թույլատրվող 6400 անուն ապրանքերից 2019 թվականի տվյալներով Հայաստանն արտահանում է փոքր-ինչ ավելին, քան 100 ապրանքային խումբ, մասնավորապես, տեքստիլ, պահածոներ, ալկոհոլ, ոսկյա զարդեր, մեղր, հանքային եւ չգազավորված ջուր, չրեր եւ այլն:
«2020 թվականի արդյունքով՝ իրավիճակը, հնարավոր է, կբարելավվի, քանի որ դեռեւս 135 ընկերություններ ստացել են թույլտվություն ԵՄ-ում մաքսազատված արտահանման համար, որոնցից 100 տնտեսվարող սուբյեկտներ արդեն սկսել են մատակարարումները»,-պարզաբանել է Էկոնոմիկայի նախարարության ներկայացուցիչը:
Փոխնախարարն ընդգծել է, որ Հայաստանը հիմնականում ԵՄ է արտահանում ռեսուրսային ապրանքներ, եւ որպեսզի այդ թրենդը փոխվի, նրա կարծիքով, անհրաժեշտ է բարձրացնել մշակող արդյունահանության արտադրողականոթյան մակարդակը, ինչի համար Հայաստանին անհրաժեշտ է տեխնոլոգիական մոդերնիզացիա:
«Երբ մենք դա անենք, այդժամ կկարողանանք լինել մրցունակ ԵՄ շուկայում: Սակայն այժմ իրավիճակը բարելավվելու կարիք ունի»,-ասել է Ավանեսյանը: