Ես չեմ հանդիպել Արայիկ Հարությունյանի եւ հիմա չեմ կարող կանխավ ինչ-որ հայտարարություններ անել: Այս մասին, այսօր՝ ապրիլի 14-ին Արցախում նախագահական ընտրությունների քվեարկությանը մասնակցելուց հետո լրագրողների հետ զրույցում նշեց Արցախի պետ նախարար Գրիգորի Մարտիրոսյանը՝ անդրադառնալով հարցին, թե արդյոք հանդիպել է Արցախի նախագահի թեկնածու Արայիկ Հարությունյանին եւ հնարավո՞ր է պաշտոն զբաղեցնի նրա նախագահ դառնալուց հետո:
«Այն, որ ես իմ բոլոր ուժերը, գիտելիքները, իմ փորձը պետք է ծառայեցնեմ մեր երկրի զարգացմանը, դա միանշանակ է: Կլինի պետական աշխատանքում, կլինի մասնավոր կամ մանկավարժական ոլորտներում, հիմա չեմ կարող ասել»,-ասաց պետնախարարը: