Ռուսաստանը ԵՄ-ին չի խնդրի կորոնավիրուսի համավարակի պայմաններում հանել 2014 թվականին սահմանված պատժամիջոցները: Այս մասին երեքշաբթի ռուսական եւ արտասահմանյան լրատվամիջոցների հետ առցանց ձեւաչափով հարցազրույցի ժամանակ ասել է Ռուսաստանի ԱԳ նախարար Սերգեյ Լավրովը, հայտնում է ՏԱՍՍ-ը:
«Եթե Եվրամիությունը հասկանա, որ (պատժամիջոցների) մեթոդն իրեն սպառել է եւ հրաժարվի այն պատժամիջոցներից, որոնք ընդունվել են 2014 թվականին, մենք, իհարկե, պատրաստ կլինենք փոխադարձությամբ պատասխանելու: Բայց չենք պատրաստվում խնդրել դա (պատժամիջոցները հանել)»,- շեշտել է ՌԴ ԱԳՆ ղեկավարը՝ պատասխանելով համապատասխան հարցին: