Արցախի գործող նախագահ Բակո Սահակյանը հայտարարել է, որ պատրաստ է պատասխանատվություն կրել, եթե ընտրությունները կորոնավիրուսով վարակման պատճառ դառնան: Այս մասին նա ասել է լրագրողների հետ զրույցում՝ մեկնաբանելով արտակարգ դրության պայմաններում ընտրությունների անցկացումը:
Նրա խոսքով՝ գործադրվել են առավելագույն ջանքերը, որպեսզի գործընթացն անվտանգ լինի:
«Ամբողջությամբ հիմնավորված եւ արդարացված են պետության քայլերը: Մենք գործում ենք իրավիճակի պահանջներին համապատասխան: Եվ այդ գործողություններն ունեն բարենպաստ պայմաններ ստեղծելու, քաղաքացիների անվտանգությունն ու տնտեսության զարգացումն ապահովելու նպատակ»,- հայտարարել է Բակո Սահակյանը: Նրա խոսքով՝ պետության ղեկավարը պատասխանատվություն կկրի, եթե ընտրությունները կորոնավիրուսով վարակման պատճառ դառնան:
