Իսլամական հեղափոխության պահապանների կորպուսը ստեղծել է մի սարք, որը կարողանում է առանց արյան անալիզի հայտնաբերել կորոնավիրուսը։ Այս մասին հայտարարել է ԻՀՊԿ հրամանատար, գեներալ-մայոր Հոսեյն Սալամին, հայտնում է Mehr-ը։
«Այս ձեռքբերումը նոր եւ հազվագյուտ գիտատեխնիկական երեւույթ է, որը ամբողջովին մշակվել է ԻՀՊԿ «Բասիջի» ուժերով՝ երկրում նոր կորոնավիրուսի հայտնվելուց հետո»,- նշել է նա։
Նրա խոսքերով՝ սարքը արյան անալիզ չի պահանջում եւ աշխատում է հեռավորությունից։ Այն կիրառվում է զանգվածային հետազոտման համար եւ վարակը կարող է հայտնաբերել մակերեւույթների վրա եւ մարդկանց մոտ։ Բացի այդ, այս սարքը կարող է գործել որպես բանական ախտահանող միջոց։
Սարքը թեսթավորվել է տարբեր հիվանդանոցներում, դրա ճշգրտությունը 80 տոկոս է կազմում, ամփոփել է հրամանատարը։
