News
Լրահոս
News
Երկուշաբթի
Հունվար 17
USD
480.88
EUR
550.94
RUB
6.32
Տեսնել լրահոսը


Ղարաբաղում անցկացվել են դեմոկրատական եւ մրցակցային ընտրություններ։ Այս մասին ապրիլի 15-ին Ազգային ժողովի նիստում հայտարարեց ՀՀ արտգործնախարար  Զոհրաբ Մնացականյանը՝ խոսելով նախօրեին անցկացված նախագահական ընտրությունների մասին։

Նա նշեց, որ Ղարաբաղի ժողովուրդը իր մանդատը տվել է նորընտիր իշխանություններին՝ անվտանգության ապահովման եւ խաղաղ բանակցություններում Ղարաբաղի ժողովրդի իրավունքների ներկայացնելը շարունակելու համար։

«Այս առումով ընտրությունները ունեն կարեւոր նշանակություն՝ մարդու իրավունքների, տարածաշրջանային անվտանգության եւ խաղաղ գործընթացի կարգավորման տեսակետից։ Հայաստանի իշխանությունները Արցախի ժողովրդից նրան համաշխարհային գործընթացում ներկայացնելու մանդատ չունեն։ Հայաստանի իշխանությունները եղել եւ մնում են Արցախի ժողովրդի անվտանգության երաշխավորներ եւ կշարունակեն կառուցողական մասնակցությունը խաղաղ գործընթացում, սակայն գործընթացը շոշափում է հարցեր, որոնք ունեն կենսական նշանակություն Արցախի ժողովրդի համար, եւ նա նորընտիր իշխանություններին տված իր մանդատի միջոցով ցույց է տալիս իր մոտեցումները եւ դիրքորոշումը այդ հարցում։ Հայաստանը, կրկնում եմ, իր մասով կշարունակի պատասխանատվության իր մասնաբաժինը կրել այդ գործընթացում»,- հայտարարեց նախարարը։

Խոսելով ընտրությունների վերաբերյալ միջազգային արձագանքների մասին՝ Հայաստանի ԱԳՆ ղեկավարը նկատեց, որ առաջնային նշանակություն ունեն խաղաղ գործընթացին առնչվող մարմինների արձագանքները։ Դրանք են՝ ԵԱՀԿ Մինսկի խմբի համանախագահները եւ համանախագահող երկրները՝ Ֆրանսիան, Ռուսաստանը եւ ԱՄՆ-ը։

«Սրա հետ կապված՝ կարեւոր նշանակություն ունեն Արցախի ժողովրդի՝ իր ապագան որոշելու եւ հասարակական կյանքը կազմակերպելու իրավունքին առնչվող հայտարարությունները։ Ինչ վերաբերում է այլ հակամարտություններում ներգրավված երկրների արձագանքներին եւ մոտեցումներին, ապա մեր դիրքորոշումն այն է, որ Հայաստանը նպաստում է մարդու իրավունքների կայացմանը՝ անկախ տարածքների կարգավիճակից»,- ընդգծեց Մնացականյանը։

Հիշեցնենք, որ Ղարաբաղում ապրիլի 14-ին կայացած նախագահական ընտրությունների երկրորդ փուլի արդյունքներով հաղթել է Արայիկ Հարությունյանը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Մեր հենց գնալու օրը երեւի մեր ցուցակները գցել են մահացածների կամ կորածների ցուցակում․ պատերազմի մասնակից
Ես նշանակվել եմ դասակի հրամանատար գեներալ Ավետիսյանի կողմից։ Մեզ մոտ եղել է չորս դասակ, ես եղել եմ երրորդ, չորրորդ դասակի հրամանատար։ Ես այն օրը...
Մարդիկ հեղափոխություն են արել, որ ավելի ուժեղ Հայաստան ունենան, բայց ճիշտ հակառակն են ստացել․Հրանտ Մարգարյան
Այդ ցավն այնքան շատ է, որ մենք պատրաստ ենք նույնիսկ սատանայի հետ համագործակցել․․․
Վանեցյանը ԱԱԾ պահեստազորայիններին կոչ է արել անվտանգության աշխատակցի օրը՝ դեկտեմբերի 20-ը, նշել «Եռաբլուր» այցելելով
«Հայրենիք» կուսակցության ղեկավար, ԱԱԾ նախկին տնօրեն Արթուր Վանեցյանը դիմել է ԱԱԾ պահեստազորայիններին եւ վետերաններին...
Ադրբեջանական ԶԼՄ-ների տարածած տեղեկությունը, թե իբր գրավել են Ջաբրայիլը բացարձակ սուտ է․ Վահրամ Պողոսյան
«Պաշտպանության բանակը բոլոր ուղղություններով տիրապետում է ...
Միայն հաղթանակն է այն ավարտը, որ մենք պատկերացնում ենք այս պայքարի վերջում. Նիկոլ Փաշինյանի ուղերձը
Արդեն գործնականում մեկ շաբաթ հայ ժողովուրդը Արցախում ու Հայաստանում դիմակայում է ադրբեջանաթուրքական ահաբեկչական հարձակմանը...
Պաշտոնական. ՀԱՊԿ գլխավոր քարտուղարը մտահոգված է ԼՂ-ում զինված հակամարտության վերսկսմամբ
Ստեղծված իրավիճակը չի նպաստում 1994թ. Հրադադարի համաձայնագրի իրագործմանը եւ Լեռնային Ղարաբաղի հակամարտության խաղաղ կարգավորման շրջանակներում ուժ չկիրառելու փոխադարձ պարտավորություններին...
Ամենաշատ