Ապրիլի սկզբին Վիտենբերգի մի ֆերմայում ծնվել է անսովոր պաթոլոգիա ունեցող մի այծ՝ երկու ձեւավորված դնչիկով: Կենդանու տերը՝ Ջոսելին Նուեսկեն, նշել է, որ ձագը առողջ է՝ չնայած զարգացման անոմալիային: «Անասնաբույժները համոզված չէին, թե տեսնում են արդյոք միջին աչքերը: Բայց նրանք մեզ հավաստիացրին, որ ծայրերի աչքերը արձագանքում են շրջապատող պատկերին»,- WLUK-TV-ին ասել է կինը: Նա հավելել է, որ առանձնահատկության պատճառով ձագուկը ավելի շատ խնամքի կարիք ունի, թեեւ նա բացարձակապես նորմալ այծ է: Տիրուհին, անասնաբույժների հետ միասին, հուսով են, որ մինչեւ մեկ ամսականը լրանալը այծը կսկսի ինքնուրույն քայլել, հայտնում է «Моя планета»-ն:
Նուեսկեն ասել է, որ վեց տարի այծի ֆերմա ունենալով՝ առաջին անգամ է նման բան տեսնում: «Լսել էի երկգլխանի կովերի ու մողեսների, բայց ոչ այծի մասին», - ավելացրել է կինը: Այժմ նա Facebook- ում պարբերաբար անսովոր կենդանու մասին գրառումներ է կատարում: Վերջին տեսանյութերից մեկում Ջոսելինը ցույց է տվել, որ Յանուսը միշտ սոված է եւ կարող է երկու բերանով միաժամանակ ծամել։