ՀՀ երկրորդ նախագահ Ռոբերտ Քոչարյանի եւ մյուսների գործով դատավոր Աննա Դանիբեկյանը երկուշաբթի օրվանից արձակուրդ է մեկնում։ Այս մասին NEWS.am-ը տեղեկացավ Դանիբեկյանի գրասենյակից։

Նշենք, որ 1 ամիս չկայացած Ռոբերտ Քոչարյանի եւ մյուսների գործով դատական նիստը նշանակվել է մայիսի 8-ին։

Հիշեցնենք, որ Աննա Դանիբեկյանը հիվանդության թերթիկ է բացել մարտի 13-ից։ Քոչարյանի պաշտպանները պատրաստվում էին նրան անձնական երաշխավորությամբ ազատ արձակելու միջնորդություն ներկայացնել։

 Քոչարյանի պաշտպանները նիստերի չկայանալը որակում են՝ մարդու իրավունքների ոտնահարում։ Նրա պաշտպաններից Արամ Վարդեւանյանը այդ կապակցությամբ ՄԻՊ-ին 2 դիմում է ուղարկել։