Եթե տնտեսվարող սուբյեկտը դիմել է ՊԵԿ, որպեսզի հսկիչ-դրամարկղային մեքենայի կտրոններ ստանա, սակայն նրան դրանք չեն տրամադրել, ապա նա նույնպես կարող է ստանալ կառավարության աջակցությունը։ Այս մասին ապրիլի 20-ին «Ազատություն» ռադիոկայանի ուղիղ եթերում հայտարարեց Պետական եկամուտների կոմիտեի նախագահ Դավիթ Անանյանը։
«Նա կարող է առնվազն միջոցառումների 10-րդ փաթեթի շահառու դառնալ»,- նշեց պաշտոնյան։
Անանյանը հավելեց, որ Ազգային ժողովում քննարկվում է նաեւ օրենքի նախագիծ, որն ուղղված է ՀԴՄ կտրոնների հարցի կարգավորմանը առցանց առեւտրի դեպքում։