Վարչապետի աշխատակազմի ղեկավար Էդուարդ Աղաջանյանն այսօր ճեպազրույցի ժամանակ հայտնեց, որ արդեն այսօրվանից անվտանգության նկատառումներով փակվել է դեպի Ծիծեռնակաբերդի հուշահամալիր տանող տարածքը:
Սակայն որոշ միջոցառումներ ծրագրվում են: Միջոցառումներ կսկսվեն ապրիլի 23-ից ժամը 21:00-ից: Զանգերի ղողանջի ներքո կմարվի փողոցների լուսավորությունը: ՀՀ իշխանությունները քաղաքացիներին կոչ են անում անջատել տան լույսերը, միացնել բջջային հեռախոսների լապտերները:
Ապրիլի 24-ից ժամը 08:00-ից քաղաքացիները կարող են 1915 հեռախոսահամարին Հայաստանից եւ 0037433191500 հեռախոսահամարին արտասահմանից հաղորդագրություն ուղարկել: Հաղորդագրություն ուղարկածների անունները կցուցադրվեն հուշահամալիրի սյուների վրա:
Ժամը 10:00-ից հուշահամալիր կայցելեն նախագահը, վարչապետն ու ԱԺ խոսնակը:
Գեղարվեստական ծրագիր կսկսվի 22:00-ից: Ծրագիրը կտեւի մինչեւ լուսաբաց:
