News
Լրահոս
News
Չորեքշաբթի
Սեպտեմբեր 23
USD
485.42
EUR
568.62
RUB
6.36
ME-USD
0.01
Տեսնել լրահոսը

Վարչապետ Նիկոլ Փաշինյանի գլխավորությամբ շարունակվել են կորոնավիրուսի հետևանքների մեղմմանն ուղղված միջոցառումների վերաբերյալ քննարկումները։ Այս մասին տեղեկացնում է ՀՀ կառավարության լրատվական ծառայությունը։

Այսօր կայացած խորհրդակցությունը մեկնարկել է հաստատված 13 միջոցառումների կատարման ամենօրյա մշտադիտարկման արդյունքների ամփոփմամբ։

Տնտեսական աջակցության ծրագրերի մասով նշվել է. 1-ին միջոցառման շրջանակում հաստատվել է 249 վարկային հայտ, ծավալը՝ 13 մլրդ 159 մլն դրամ, 2-րդ միջոցառման շրջանակում՝ 2943, որից 2632-ը գյուղացիական տնտեսությունների աջակցությանն ուղղված միկրովարկերն են, 311-ը՝ մնացած գյուղատնտեսական նպատակների համար տրամադրված վարկերը։ Ընդհանուր առմամբ 2-րդ միջոցառմամբ արդեն հատկացվել է 4 մլրդ 343 մլն դրամ։ 3-րդ ծրագրով բավարարվել է 343 հայտ՝ 3 մլրդ 926 մլն դրամ ընդհանուր գումարով։ 5-րդ ծրագրով 9901 փաստացի շահառուի վճարվել է 1 մլրդ 597 մլն դրամ, 10-րդ-ով՝ 1485 փաստացի շահառուի վճարվել է 83.4 մլն դրամ։

Սոցիալական օժանդակության ծրագրերի մասով զեկուցվել է հետևյալը. ամբողջությամբ ավարտվել են 4-րդ, 6-րդ և 7-րդ միջոցառումները, նույնականացված բոլոր շահառուներին տրամադրվել է նախատեսված ֆինանսական աջակցությունը: 8-րդ ծրագրով ֆինանսական օժանդակություն է տրամադրվել 80505 շահառուի, ծավալը՝ 5 մլրդ 571 մլն դրամ, ևս 4227 դիմում մշակման փուլում է։ 9-րդ միջոցառմամբ փոխանցում է կատարվել 51791 շահառուի, ծավալը՝ 1 մլրդ 398 մլն դրամ, ավելի քան 130000 դիմում մշակվում է։ 11-րդ և 12-րդ միջոցառումներն ավարտված են, նախատեսված վճարումներն ամբողջությամբ կատարված են։ 13-րդ միջոցառումը իրականացման փուլում է։ 

Արդյունքների ամփոփումից հետո անդրադարձ է եղել դեռևս ընթացքի մեջ գտնվող ծրագրերի կատարմանը վերաբերող մի շարք հարցերի։ Վարչապետը կարևորել է միջոցառումների արդյունավետ իրականացումը և համապատասխան հանձնարարականներ տվել պատասխանատուներին։

Ապա քննարկվել են կորոնավիրուսի սոցիալ-տնտեսական հետևանքների չեզոքացման ուղղությամբ հետագա անելիքները։ Մասնավորապես, անդրադարձ է եղել գյուղատնտեսական նպատակների համար տրամադրվող վարկային պորտֆելի ավելացման հարցին։ Այս համատեքստում քննարկման առարկա են դարձել վարչապետ Փաշինյանի գլխավորությամբ երեկ կառավարությունում կայացած խորհրդակցության արդյունքները, աջակցության գործիքակազմը և ներկայացված առաջարկները։ Մտքերի փոխանակության ընթացքում ձևավորվել է ընդհանուր մոտեցում՝ այս փուլում ավելացնել ոլորտին տրամադրվող վարկային ռեսուրսների ծավալը և ընթացիկ պահանջարկը բավարարելուց հետո քննարկել ծրագրի հետագա ընթացքը։

Նիկոլ Փաշինյանը ևս մեկ անգամ ընդգծել է, որ կառավարությունը կարևորում է գյուղատնտեսության ոլորտի խթանումը հակաճգնաժամային աջակցության կարևոր ուղղությունների շարքում և հաշվի առնելով այս գործիքի արդյունավետությունը՝ կընդլայնի 2-րդ միջոցառման շրջանակում տրամադրվող վարկային պորտֆելի ծավալը։ Կառավարության ղեկավարը հանձնարարել է քննարկման արդյունքներով սեղմ ժամկետում հաստատման ներկայացնել համապատասխան նախագիծ։

Խորհրդակցությանը նաև ներկայացվել են բնապահպանական և միաժամանակ սոցիալական էֆեկտի հնարավորություն ունեցող նախագծերի առաջարկներ։ Քննարկվել են դրանց իրականացման մեխանիզմներին և գործիքներին վերաբերող հարցեր։ Վարչապետն առաջարկել է շարունակել քննարկումներն առաջարկների կոնկրետացման և ծրագրերի մշակման ուղղությամբ:

!
Այս նյութը հասանելի է նաև   English
Տպել
Կարդացեք նաև
Ամբողջը
25-րդ միջոցառումով աջակցություն կտրամադրվի զբոսաշրջային տրանսպորտային ընկերություններին
Տրանսպորտային ընկերություններին կտրամադրվի 2020 թվականի ապրիլի 1-ից սկսած չվճարված տոկոսագումարների 75 տոկոսի․․․
Ավելի քան 31 մլն դրամ՝ դիմակ կրելու հետ կապված գովազդային արշավի համար
«Կրի՛ր, որ կրենք» կարգախոսով պաստառների տպագրության, տեղադրման...
Արքայազն Չարլզը «Մարշալի պլանի» կոչ է արել` բնության, մարդկանց եւ մոլորակի փրկության համար
Նրա խոսքով` առանց արագ եւ անհապաղ գործողությունների մենք աննախադեպ տեմպերով եւ մասշտաբով բաց կթողնենք վերականգնման եւ ավելի կայուն եւ ներառական ապագայի հնարավորությունների պատուհանը...
Օրերս կպարգևատրվեն 100-ից ավելի բուժաշխատողներ, այդ թվում՝ «Նորք» ինֆեկցիոնի ներկայացուցիչներ. վարչապետի խոսնակ
Գեւորգյանի խոսքով՝ Առողջապահության նախարարությունից վարչապետի աշխատակազմը ստացել է կորոնավիրուսի դեմ պայքարում ներդրած ջանքերի համար…
ԵՏՀ-ում վստահ են ԵԱՏՄ երկրների համատեղ գործողությունների արդյունավետության մեջ կորոնավիրուսի երկրորդ ալիքի դեպքում
«Պլանն այդ թվում նաեւ մասնագետների համատեղ վերապատրաստում, բուժաշխատողների որակավորման բարձրացման դասընթացներ եւ շատ այլ միջոցառումներ է ներառում...
Պուտինը հայտնել է կորոնավիրուսի դեմ երկրորդ պատվաստանյութի առաջիկա գրանցման մասին
«Ի դեպ, շուտով կգրանցվի կորոնավիրուսի դեմ երկրորդ հակավիրուսային պատվաստանյութը...