Հայաստանը 61-րդ տեղն է զբաղեցրել 2020թ․ Մամուլի ազատության համաշխարհային ինդեքսում, որը կազմվել է «Լրագրողներ առանց սահմանի» կազմակերպության կողմից։ Հայաստանի ցուցանիշը անցյալ տարվանից չի փոխվել։
Նշվում է, որ թեեւ «ԶԼՄ-ների բազմազանությունը ծաղկում է, սակայն կառավարությունը, որ իշխանության է եկել 2018թ․ «թավշյա հեղափոխությունից» հետո, չի կարողացել թուլացնել ԶԼՄ-ների բեւեռացումը»։
«Հիմնական հեռուստաալիքների խմբագրական քաղաքականությունը համընկնում է նրանց սեփականատերերի շահերի հետ։ Լրագրողների անկախությանը եւ զանգվածային լրատվության միջոցների թափանցիկ տնօրինմանը չեն հասել։ Կա մտահոգություն՝ լրագրողների դեմ դատական քննությունների ծավալի եւ կեղծ նորությունների դեմ պայքարում ավելորդությունների կապակցությամբ։ Անվտանգության ծառայությունների մասնակցությունը ապատեղեկատվության դեմ պայքարում, որին հետեւում են սոցիալական ցանցերի օգտատերերի ձերբակալություններ, եւ օրենքներն առանց քաղաքացիական հասարակության եւ լրագրողների հետ նախնական քննարկման ընդունելու փորձերը տագնապ են առաջացնում։ Այնուամենայնիվ, լրագրողական հետաքննությունները ծաղկում են համացանցում եւ կարող են կարեւոր դեր խաղալ կոռուպցիայի դեմ ազգային գրոհի մեջ»։
