«Թղթակիցներ առանց սահմանների» միջազգային կազմակերպությունը հրապարակել է իր ամենամյա զեկույցը լրատվամիջոցների ազատության մասին, որում Հայաստանը զբաղեցրել է 61-րդ տեղը:
Զեկույցում դիտարկված է աշխարհի 180 երկրներում լրատվամիջոցների ազատությունը:
Հայաստանում մամուլի ազատության հետ կապված իրավիճակը հրապարակվել է «Բազմազանություն, բայց առայժմ ոչ անկախություն» խորագրի տակ:
«Լրատվամիջոցների բազմազանությունը զարգացել է, բայց Հայաստանում 2018 թվականի գարնանը «թավշյա հեղափոխությունից» հետո հայտնված կառավարությունը չի կարողացել կրճատել լրատվամիջոցների բեւեռայնությունը: Հիմնական հեռուստաալիքների խմբագրական քաղաքականությունը համապատասխանում է իր տերերի շահերին: Դեռեւս չեն հասել լրագրողների անկախությանը եւ լրատվամիջոցների թափանցիկությանը: Լրագրողների դեմ դատավարությունների ծավալին եւ կեղծ լուրերի դեմ պայքարում անչափավորությանն առնչվող մտահոգություն կա: Տագնապ է հարուցում ապատեղեկատվության դեմ պայքարում հատուկ ծառայությունների մասնակցությունը, որոնց հաջորդում են համացանցի օգտատերերի կալանավորումները եւ օրենսդրական հաստատման փորձերը՝ առանց քաղաքացիական հասարակության եւ լրագրողների հետ քննարկելու:
Այդուհանդերձ, համացանցում զարգանում են լրագրողական հետաքննությունները եւ կարեւոր դերակատարում ունեն կոռուպցիայի դեմ պետական պայքարում»,- նշված է զեկույցում: