Արժույթի միջազգային հիմնադրամի եւ Եվրոպական կենտրոնական բանկի ղեկավար Քրիսթին Լագարդը պարզաբանել է, թե որքան հեռու կարող է տարածվել եվրոգոտու նոր տեսակի կորոնավիրուսից տուժած երկրներին ԵԿԲ օգնությունը, հայտնում է Reuters-ը:
ԵԿԲ ղեկավարի խոսքով՝ կառավարություններին ուղիղ վարկավորումն անօրինական կլիներ, իսկ ԵՄ քաղաքացիներին կանխիկի բաժանումը՝ դժվարին:
ԵԿԲ-ն այս տարի պետք է ձեռք բերի 1,1 տրլն եվրոյի առավելապես պետական փոխառության տոմսեր, որ կորոնավիրուսի համավարակի դեմ պայքարող կառավարությունների, տնային տնտեսությունների եւ ընկերությունների համար պահպանի էժան վարկերը:
ԵԿԲ ղեկավարությունը խոստացել այս ուղղությամբ անգամ ավելի մեծ քայլեր ձեռնարկել:
Անգլիայի բանկն արդեն վարկ է խնդրել իր կառավարությունից, ներդրողները մտածում են այն մասին, թե կենտրոնական բանկերից որը կհետեւի այս օրինակին ամբողջ հարյուրամյակի ընթացքում աշխարհում տեղի ունեցած վատթարագույն ռեցեսիայի շրջանում:
Բայց Լագարդը գիծ է անցկացրել անմիջաբար եվրոգոտու կառավարություններից պարտք գնելու դեպքում եւ բավականին սառն է վերաբերվել «ուղղաթիռային փողեր» հասկացությանը՝ տնային տնտեսությունների համար կաթիլ անվանելով:
«Պայմանագրերի տակ հասկացվում է առաջնային շուկան, այսինքն՝ կառավարությունից պարտքի գնում, ինչը կառավարության ուղիղ ֆինանսավորում է համարվում եւ կխաթարի նման դիսցիպլինար բյուջետային քաղաքականությունը խրախուսելու նպատակները»,- նշված է Եվրախորհրդարանի անդամին ուղղված Լագարդի նամակում:
Դա ենթադրում է, որ ԵԿԲ-ն կշարունակի ավելացնել փոխառության տոմսերը միայն երկրորդային շուկայում, նույնիսկ եթե այն մոտենա այնպիսի երկրների պարտքերի մեկ երրորդին, ինչպիսիք են Գերմանիան եւ Պորտուգալիան:
Իր նամակում Լագարդը նշել է, որ «ուղղաթիռային փողերով» ապահովելը երբեք չի քննարկվել ԵԿԲ քաղաքական գործիչների կողմից:
«Շատ դեպքերում այդ առաջարկները հաշվի չեն առնում լիովին դրա հետ կապված օպերատիվ, հաշվապահական եւ իրավական բարդությունները եւ չի պարունակում լիարժեք տնտեսական եւ արժութային ազդեցության նկատմամբ ծախսերի եւ շահի համապարփակ վերլուծություն»,- նշված է ԱՄՀ ղեկավարի նամակում:
