Գրենլանդիայի իշխանությունները այսօր հայտարարել են, որ ողջունում են կղզում ներդրումներ կատարելու ԱՄՆ մտադրության մասին տեղեկությունները, բայց այդ ներդրումները պետք է կատարվեն առանց նախապայմանների, հայտնում է Associated Press-ը:
Ակնկալվում է, որ ԱՄՆ նախագահի աշխատակազմը կհայտարարի կղզու մայրաքաղաք Նուուկում ԱՄՆ նոր հյուպատոսարանում Միջազգային զարգացման գործակալության գրասենյակ բացելու մասին եւ գործակալության ծրագրերում կկատարի նվազագույնը 12 մլն դոլարի ներդրումներ:
Դանիայի ձախ ընդդիմադիր IA կուսակցության անդամ Այա Չեմնից Լարսենը ԱՄՆ այս առաջարկն անվանել է «հմայելու հարձակում»:
«Մենք ամերիկացիներին ողջունում ենք, եթե նրանք ցանկանում են Գրենլանդիայում ներդրումներ կատարել: Բայց կարեւոր է վստահ լինել, որ Գրենլանդիան Միացյալ Նահանգներին ոչինչ պարտք չէ: Մենք թերահավատորեն ենք մոտենում այն բանին, թե նրանք իրականում ինչ են ցանկանում, ազդեցությունից բացի»,- հայտարարել է քաղաքական գործիչը:
Հիշեցնենք, որ ԱՄՆ նախագահ Դոնալդ Թրամփն ավելի վաղ Գրենլանդիան գնելու ցանկություն էր հայտնել, սակայն Դանիայի կառավարությունը մերժմամբ էր պատասխանել:
