Աշխարհում եւ տարածաշրջանում ստեղծված իրավիճակը, մասնավորապես, կորոնավիրուսը եւ Վաշինգտոնի պատժամիջոցները դեռ երկար կդժվարացնեն հայ-իրանական նախագծերի իրականացումը: Այս մասին այսօր տարածաշրջանի վրա կորոնավիրուսի ազդեցության թեմայով քննարկման ժամանակ հայտարարեց իրանագետ Գոհար Իսկանդարյանը:
Նա նշեց, որ չնայած պատժամիջոցներին՝ եվրոպական երկրները որոշել են օգնել Թեհրանին:
«Այդ ֆոնին Իրանն առաջին անգամ դիմել է ԱՄՀ-ին ֆինանսական օգնություն ստանալու համար, եւ հիմնադրամի դրական պատասխանը կարող է վկայել ԱՄՆ-Իրան հարաբերություններում մերձեցման մասին»,-նշեց փորձագետը:
«Հետաքրքիր է, որ ԱՄՆ-ն մտադիր է Իրաքից զորքերի դուրսբերման մասին բանակցություններ սկսել: Նույնիսկ եթե դա լինի, ԱՄՆ-ն կանի ամեն ինչ՝ երկրում իր ազդեցությունը պահպանելու համար»,-եզրափակեց Իսկանդարյանը:
