Չնայած նրան, որ ադրբեջանական կողմից կրակոցների թվի աճ կա, շփման գծում իրավիճակը հանգիստ է: Այս մասին ապրիլի 27-ին տարածաշրջանի վրա կորոնավիրուսի ազդեցության թեմայով քննարկման շրջանակում ասաց «Իմ քայլի» պատգամավոր Տաթեւիկ Հայրապետյանը:
«Ինժեներական աշխատանքները այնպես, ինչպես ադրբեջանական կողմից անօդաչու թռչող սարքերով թռիչքները պլանային բնույթ են կրում, եւ տագնապալի միտում չկա»,-նշեց նա:
Նշենք, որ հակառակորդի ԱԹՍ թռիչքները հետախուզական բնույթ են կրում: