Ծախսերի անփոփոխ մակարդակի եւ 150 մլրդ դրամի չափով տնտեսական աջակցության փաթեթների ներառման դեպքում պետական բյուջեի դեֆիցիտը կմեծանա՝ հասնելով ՀՆԱ 5%-ի: Այս մասին ԱԺ արտահերթ նիստում «2020 թվականի պետական բյուջեի մասին» օրենքում փոփոխություններ եւ լրացումներ կատարելու մասին օրինագծի քննարկման ընթացքում հայտարարեց ՀՀ ֆինանսների նախարար Ատոմ Ջանջուղազյանը:
Պետբյուջեի հավելյալ ֆինանսավորումը կկազմի մոտ 260 մլրդ դրամ: «Կառավարությունը ծրագրում է 150 մլրդ դրամի չափով սոցիալ-տնտեսական փաթեթ ներկայացնում հետեւյալ ուղղություններով. 25 մլրդ դրամ՝ ձեռնարկությունների աջակցության ծրագրեր, 25 մլրդ դրամ՝ սոցիալական աջակցության ծրագրեր, 80 մլրդ դրամ՝ երկարաժամկետ տնտեսական զարգացման ծրագրեր եւ 20 մլրդ դրամ՝ ռեզերվային ֆոնդերի վերաբաշխում»,-պարզաբանեց Ջանջուղազյանը: