Երեւանի Մխիթար Հերացու անվան թիվ 1 համալսարանական հիվանդանոցում այս պահին ծառայություն են իրականացնում ոստիկանության աշխատակիցները։
NEWS.am-ի տեղեկություններով՝ նրանք հսկում են այն մասնաշենքի մուտքը, որտեղ գտնվում են Գավառ քաղաքից վիրավորումներով տեղափոխված քաղաքացիները։
Հիվանդանոցի մեր աղբյուրը հայտնեց, որ վիրավորումներով տեղափոխված քաղաքացիները երկուսն են։
Փորձեցինք կապ հաստատել հիվանդանոցի բուժաշխատողներից որեւէ մեկի հետ՝ պարզաբանում ստանալու համար, սակայն Հերացի թիվ 1 համալսարանական հիվանդանոցի մամուլի խոսնակ Շուշան Դանիելյանը նշեց, որ ցանկացած ինֆորմացիա պետք է ճշտել նախաքննական մարմնից։
