Կիրակի ԵՄ առաջնորդները շնորհավորել են լրագրողներին Մամուլի ազատության համաշխարհային օրվա կապակցությամբ։ Այդ մասին ասված է ԵԽ ղեկավար Շառլ Միշելի եւ Եվրոպական ԱԳ ծառայության ղեկավար Ժոզեփ Բորելի տարածած հայտարարության մեջ, հաղորդում է ՏԱՍՍ-ը։
«Կորոնավիրուսի պանդեմիայով պայմանավորված ճգնաժամի պայմաններում չափազանցված չի լինի հայտարարությունը, որ փաստարկված եւ ճշգրտված տեղեկատվությունը կարող է փրկել կյանքեր։ Մամուլի համաշխարհային օրվա կապակցությամբ ես հարգանքի տուրք եմ մատուցում բոլոր լրագրողներին, որոնք ամեն օր թույլ են տալիս մեզ լինել առավել տեղեկացված եւ այդ պատճառով գտնվել առավել անվտանգ պայմաններում։ Դուք դեմոկրատիայում առանցքային դեր ունեք»,-նշել է Միշելը։
«Լրագրողների ձայնը մեր ընդհանուր ձայնն է։ Երբ ԶԼՄ-ները լռում են, թվում է, թե լռեցրել են մեր ամբողջ հանրությանը․ այն ունակ չէ պատասխանատվության կանչել իր տնտեսական եւ քաղաքական ղեկավարությանը կամ հնարավորություն ստանալ կյանքում փաստերի վրա հիմնված ընտրություն կատարել»,-ասված է Բորելի հայտարարության մեջ։
Այդ ֆոնին՝ վերջին ամիսների ընթացքում ԵՄ իշխանությունները զգալիորեն ակտիվացրել են եվրոպական եւ արտասահմանյան ԶԼՄ-ներում ապատեղեկատվություն հայտնաբերելու ուղղությամբ։