Հայաստանում արտահերթ ընտրություններ անցկացնելիս կարող են խնդիրներ առաջանալ: Այս մասին մայիսի 4-ին պետաիրավական հարցերով մշտական խորհրդարանական հանձնաժողովի նիստին Կենտրոնական ընտրական հանձնաժողովի գործունեության քննարկման ժամանակ ասաց ԿԸՀ նախագահ Տիգրան Մուկուչյանը:
Այդպես, ըստ նրա, քանի որ Ընտրական օրենսգրքով սահմանված առանձին պայմանները լիովին հստակեցված չեն, առաջանում են գործընթացներ, որոնք պետք է ավելի երկար ժամանակահատվածում իրականացվեն: «Մենք կարծում ենք, որ արտահերթ ընտրությունների ժամանակ, մասնավորապես` համապետական, քարոզարշավին պետք է 28 օր հատկացվի: Մենք կարծում ենք, որ 14 օրը շատ քիչ է` ընտրողներին բոլոր քաղաքական ուժերի տեսակետներն ու մոտեցումները ներկայացնելու համար»,- պարզաբանեց Մուկուչյանը:
Այս կապակցությամբ, ինչպես նշեց ԿԸՀ ղեկավարը, նրանք մտադիր են օրենսդրական նախաձեռնություն ներկայացնել Ընտրական օրենսգրքում փոփոխություններ կատարելու մասին: