Թաիլանդի Փհայայու նահանգում ֆերմերի կինը վեցոտանի գորտ էր գտել լճակի մեջ: Գորտն ինքն էր ցատկել Նիկուլ Նուեանգվանա անունով կնոջ ծնկներին, երբ վերջինս կերակրում էր ձկներին, որոնց բուծում է նրա ամուսինը բազմաթիվ արհեստական լճակներում: Ուշադիր նայելով` նա նկատել է, որ չորս թաթիկներից բացի, որոնք ունի ցանկացած գորտ, այս մեկի մոտ կան եւս երկուսը, որոնք աճում են մեջքի վրա, փոխանցում է Nat-geo-ն:
Ֆերմերը կարծում է, որ գորտը, որը մոտ վեց շաբաթական է, նպաստել է վերջին շրջանի շահույթի աճին իր բիզնեսում: «Այս գորտը կարող է աստվածների հաջողությունը լինել: Մենք նրան մեզ մոտ կպահենք, բայց պատրաստ ենք տալ ցանկացած բուդդայական տաճարի, որը կցանկանա հոգ տանել նրա մասին»,- հայտարարել է ֆերմերը:
Գորտերի մոտ ավելորդ վերջույթների հայտնվելու պատճառը Ribeiroia մակաբույծը լինել: Այն տրեմատոդների դասի ճիճու է, որը, թափանցելով գորտի մարմնի մեջ, սկսում է վիտամին A-ի ձեւ ունեցող ռետինոաթթվի մոլեկուլներ արտադրել, որոնք նպաստում են գորտի վերջույթների զարգացմանը:
Ըստ գիտնականների` վարակված գորտերի զարգացող վերջույթներում թթվի մակարդը 70 տոկոսով ավելի բարձր է, քան առողջներինի մոտ: Այդպիսով, ռետինոաթթվի բարձր մակարդակը վերջույթների «սաղմերում» դրանցից հավելյալ թաթիկների աճի է հանգեցնում: Որոշ վարակված գորտերի հետեւի վերջույթներին միայն թաթիկների կոճղակտորներ են աճում, իսկ մյուսների մոտ` երկու մասի բաժանված թաթեր: