Եվրամիությունը կորոնավիրուսի համավարակի հետեւանքով «մտել է իր պատմության մեջ ամենախոր ռեցեսիայի փուլ»: Այսօր Եվրահանձնաժողովի գարնանային կանխատեսումը ներկայացնելիս այսպիսի գնահատմամբ է հանդես եկել էկոնոմիկայի հարցերով եվրահանձնակատար Պաոլո Ջենտիլոնեն, փոխանցում է ՏԱՍՍ-ը:
Նրա խոսքով՝ 2020 թվականին միավորման տարածքում տնտեսական անկումը կկազմի 7,4 տոկոս, իսկ եվրոյի գոտում՝ 7,7 տոկոս: Ջենտիլոնեն նշել է, որ վերականգնումը կսկսվի միայն հաջորդ տարի, սակայն «այն թույլ չի տա անկումը փոխհատուցել»: