News
Լրահոս
News
Չորեքշաբթի
Դեկտեմբեր 01
Տեսնել լրահոսը

Վրաստանի նախկին նախագահ եւ Օդեսայի նախկին նահանգապետ Միխայիլ Սաակաշվիլին DW-ի հետ զրույցում հաստատել է Բարեփոխումների ազգային խորհրդում իր նշանակումը: Նույն օրը ավելի վաղ խորհրդի քարտուղարի պաշտոնում նրա նշանակման մասին հայտնել էին ուկրաինական լրատվամիջոցները: «Գործադիր կոմիտեի ղեկավար, այլ ոչ քարտուղար»,- հստակեցրել է Սաակաշվիլին: Նա նշանակման կոնկրետ օրը չի նշել: Լրատվամիջոցների տեղեկություններով՝ դա կարող է տեղի ունենալ արդեն մայիսի 6-ին:

Բարեփոխումների ազգային խորհուրդը ստեղծվել է 2014 թվականին՝ երկրի այդ ժամանակվա նախագահ Պյոտր Պորոշենկոյի հրամանով: Սա Ուկրաինայի նախագահին առընթեր «ռազմավարական ծրագրման, Ուկրաինայի բարեփոխումների միասնական պետական քաղաքականության եւ դրանց իրականացման ներդրման դիրքորոշումների համաձայնեցման հատուկ խորհրդակցական մարմին է»,- նշված է պետության ղեկավարի պաշտոնական կայքում: Խորհրդի անձնակազմին հաստատում է Ուկրաինայի նախագահը:

Ըստ Ուկրաինայի ղեկավարի կայքում հրապարակված տեղեկության՝ 2014-2018 թվականներին տեղի է ունեցել խորհրդի 28 նիստ: Վերջինը տեղի է ունեցել 2018 թվականի մարտի սկզբին:

Ապրիլի 22-ին Միխայիլ Սաակաշվիլին հայտարարել էր, որ Ուկրաինայի նախագահ Վլադիմիր Զելենսկին իրեն առաջարկել է զբաղեցնել բարեփոխումների հարցերով փոխվարչապետի պաշտոնը: Ապրիլի 30-ին Գերագույն ռադայի «Ժողովրդի ծառա» խմբակցության նախագահ Դավիդ Արախամիան հայտնել էր, որ Սաակաշվիլիի համար Ուկրաինայում գտել են աշխատանքի նոր ձեւաչափ: Արախամիան կոնկրետ պաշտոն չէր նշել:

Միխայիլ Սաակաշվիլին 2 անգամ զբաղեցրել է Վրաստանի նախագահի պաշտոնը՝ 2004-2007 եւ 2008-2013 թվականներին: Վրաստանում նրան մեղադրում են լիազորությունների գերազանցման եւ բյուջեի միջոցները վատնելու մեջ: Սաակաշվիլին իրեն ուղղված բոլոր մեղադրանքները հերքում է:

Պյոտր Պորոշենկոյի իշխանության գալուց հետո Սաակաշվիլին 2015-2016 թվականներին եղել է Օդեսայի նահանգապետը: Պորոշենկոն հետագայում նրան զրկել է ավելի վաղ տրամադրած ուկրաինական քաղաքացիությունից, իսկ 2018 թվականին Սաակաշվիլիին Ուկրաինայից վտարել էին: Մինչեւ 2021 թվականը նրան արգելված էր մուտք գործել երկրի տարածք:

Ուկրաինայի նախագահի պաշտոնը ստանձնելուց հետո Վլադիմիր Զելենսկին Սաակաշվիլիին էր վերադարձրել ուկրաինական քաղաքացիությունը: Այս մասին հրամանը պետության ղեկավարի կայքում է հրապարակվել 2019 թվականի մայիսի 28-ին:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԱՄՆ-ն, Մեծ Բրիտանիան եւ ՆԱՏՕ-ն նախազգուշացրել են ՌԴ-ին Ուկրաինայի դեմ «ցանկացած նոր ռազմական ագրեսիայի» մասին
«Ռուսաստանի կողմից ցանկացած էսկալացիա լուրջ խնդիր կդառնա Միացյալ Նահանգների համար...
Պուտին. Եթե Ուկրաինայում հարվածային համալիրներ հայտնվեն, Ռուսաստանը համարժեք պատասխան կտա
«Այդ դեպքում պետք է ինչ-որ նման բան ստեղծենք նրանց դեմ, ով մեզ այդպես սպառնում է...
Ինչո՞ւ Էրդողանի՝ «Ռուսաստանին եւ Ուկրաինային հաշտեցնելու» առաջարկը կմերժվի
«Լավ առաջա՞րկ։ Ոչ, իսկ «բարեկամ Ռուսաստանում» դա կառաջացնի միայն ամենաբացասական արձագանքը․․․
Թուրքիան պատրաստ է միջնորդ դառնալ Ռուսաստանի եւ Ուկրաինայի միջեւ
«Մենք տարածաշրջանում խաղաղության կողմնակից ենք...
Կրեմլը չի ​​մեկնաբանում Էրդողանի միջոցով Կիեւի կողմից իբր փոխանցված փոխանակման ցուցակի մասին տեղեկատվությունը
«Այս հաղորդագրությունը թողնում եմ առանց մեկնաբանության...
Զելենսկին՝ Ռուսաստանի հետ հնարավոր պատերազմի մասին
Նրա խոսքով՝ Ուկրաինան արդեն 8 տարի գտնվում է պատերազմական վիճակում․․․
Ամենաշատ