Ռուսաստանի հետ հարաբերությունները լավ եւ բարձր մակարդակի վրա են գտնվում: Այս մասին այսօր ԱԺ նիստում հայտարարեց ՀՀ վարչապետ Նիկոլ Փաշինյանը՝ պատասխանելով պատգամավորների հարցերին:
Նրա խոսքով՝ Հայաստանի եւ Ռուսաստանի մասնակցությամբ ինտեգրացիոն միավորումներում Հայաստանը փորձում է բարձրացնել ինչպես կազմակերպությունների, այնպես էլ անդամակցության արդյունավետությունը: «Այդ հարաբերություններում, իհարկե, կան հարցեր, եւ կա օրակարգ»,- հավելեց Փաշինյանը:
Նա նշեց, որ 2018 թվականին, երբ հանրապետություն քաղաքական նոր իրավիճակ ստեղծվեց, ոչ միայն Ռուսաստանը, այլ նաեւ ԵՄ-ն բախվեցին փոփոխություններին ադապտացվելու խնդրի հետ: «Հայաստանը պետք է իրեն նոր կարգավիճակով ներկայացնի»,-նշեց վարչապետը: