News
Լրահոս
News
Շաբաթ
Հուլիս 04
USD
483.84
EUR
543.3
RUB
6.81
ME-USD
0.02
Տեսնել լրահոսը

Մարդու իրավունքների եվրոպական դատարանը նոր որոշում կայացրել Անահիտ Մկրտչյանի  Հայաստանի դեմ գործով: Գործը վերաբերում է 2001-ին իր 22-ամյա որդու մահվանը զինվորական ծառայության ընթացքում:

Դատարանը Մարդու իրավունքների եվրոպական կոնվենցիայի 2-րդ հոդվածի (կյանքի իրավունքի) խախտում է սահմանել եւ դիմումատուին բարոյական վնասի համար փոխհատուցում է հատկացրել 24.000 եվրոյի չափով եւ 2000 եվրո` ծախսերի մասով:

Անահիտ Մկրտչյանը ծնվել է 1952-ին եւ բնակվում է Բաղրամյան գյուղում:

2001 թվականի հոկտեմբերի 30-ին նրա որդին մահացել էր իր գումարտակի հրամանատարի գրասենյակում գլխին ստացված հրազենային վնասվածքից:

Ինչպես նշվում է հայտարարության մեջ, միջադեպի պաշտոնական բացատրության համաձայն, մեկ այլ զորակոչիկ պատահաբար կրակել է նրա որդու վրա: Սակայն սպանության մեջ տիկին Մկրտչյանը կասկածում է հրամանատարին, ով, ըստ նրա, ծաղր է ենթարկում իր որդուն գումար շորթում նրանից: Դեպքից անմիջապես հետո քննիչը տեղում զննում էր անցկացրել եւ առգրավել էր զենքը: Հաջորդ օրը քրեական գործ էր հարուցվել, հանձնարարվել էր դիահերձում անցկացնել եւ հարցաքննել մի քանի առանցքային վկաների եւ այլ զորակոչիկների: Մեկ շաբաթ անց զորակոչիկներից մեկին մեղադրանք էր առաջադրվել սպանության մեջ: Նրան մեղադրանք էր առաջադրվել զենքի օգտագործման կանոնների խախտման հետեւանքով անփութությամբ սպանության համար: Այդ դատավարությունների ընթացքում ազգային դատարանները գործը երեք անգամ ուղարկել էին դատախազություն` նշելով հետաքննության թերությունները, մասնավորապես վկաների ցուցմունքներում եւ դատաբժշկական փորձաքննության տվյալների միջեւ հակասությունները լուծելու անկարողությունը: Ինչպես դատավարությունից հետո, այնպես էլ դատավարութան ընթացքում, մեղադրյալ զորակոչիկը խոստովանել էր, որ ոչ դիտավորյալ կերպով է սպանել է կնոջ որդուն, բայց 2011-ի մարտին` գործով հաջորդ դատավճռից հետո հարցաքննության ընթացքում նա հերքել էր իր նախորդ բոլոր հայտարարությունները` պնդելով, որ ստիպված էր բոլոր մեղադրանքներն իր վրա վերցնել իր եւ իր ընտանիքի անվտանգության նկատառումներով:

Քննությունը դեռ շարունակվում է, բայց քրեական վարույթը երկրորդ անգամ դադարեցվել էր 2019-ի մարտին այն հիմքով, որ հնարավոր չի եղել պարզել այն անձին, որի դեմ պետք է առաջադրվեն մեղադրանքները: Քննությունը չի պարզել տուժածի մարմնի վրա ոչ բալիստիկ վնասվածքների ծագումը, որոնք, փորձագետների կարծիքով, առաջացել են կրակոցից հետո ընկնելու հետեւանքով: Ատրճանակը, որից կրակ էր արձակել, նույնպես չի նույնականացվել:

«Հիմնվելով, մասնավորապես, Մարդու իրավունքների եվրոպական կոնվենցիայի 2-րդ հոդվածի (կյանքի իրավունք) վրա, տիկին Մկրտչյանը հայտարարել է, որ ազգային իշխանությունների կողմից որդու մահվան դեպքի առթիվ անցկացված հետաքննությունը, որը տեւել է ավելի քան 18 տարի, արդյունավետ չի եղել»,- եզրափակել է ՄԻԵԴ-ը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ստեղծվել է ամառային զորակոչի ընթացքում քաղաքացիների դիմումների և բողոքների քննարկման հանձնաժողով
Առաջին նիստը կկայանա ս.թ. հունիսի 30-ին, հետագա նիստերը` երեքշաբթի, չորեքշաբթի և ուրբաթ օրերին...
Դավիթ Տոնոյանը ներկայացրել է իր տեսլականը պաշտպանության ոլորտի և ԶՈՒ զարգացման առաջնահերթությունների վերաբերյալ
Շուրջ երկու տարի է անցել, երբ Հայաստանի Հանրապետության պաշտպանության նախարարի պաշտոնն ստանձնելու առաջին շրջանում...
Հյուսիսարեւելյան սահմանագոտու նոր՝ «պատժիչ» հենակետն է․Տեղը պատահական չի ընտրվել. ՊՆ խոսնակ (ֆոտո)
Մի քանի տարի առաջ էլ հենց այդ տեղամասում հակառակորդը դիվերսիոն գործողություն էր իրականացրել, ինչի հետեւանքով ցավալի կորուստներ ունեցանք...
Դավիթ Տոնոյանը «Վեոլիա ջրի» տնօրենի հետ քննարկել է զորամասերի ջրամատակարարման հարցը
Համաձայնություն է ձեռք բերվել ԶՈւ զորամասերի ջրամատակարարման եւ ջրահեռացման համակարգերի սպասարկման բարելավման ուղղությամբ համագործակցության վերաբերյալ...
Հայաստանի ԶՈւ ԳՇ պետն այցելել է զորամաս, ծանոթացել շինաշխատանքներին, սննդի պայմաններին (ֆոտո)
Այցի ավարտին գեներալ-լեյտենանտ Արտակ Դավթյանը ցուցումներ է տվել ստորաբաժանումների հրամանատարներին...
Զորակոչիկների իրավունքները շարունակում են խախտվել՝ փոխահատուցումների հարցում պետության ոչ պատշաճ մոտեցման պատճառով.ՀՔԱՎ
Առիթը զորակոչիկ Ա. Բ.-ի հարազատի՝ ՀՔԱՎ –ին հասցեագրված դիմումն էր, որին անդրադարձել էինք մեր նախորդ հրապարակումներում, որում նշել էինք, որ ելնելով...
Ամենաշատ