Չինական տիեզերանավի նոր նախատիպը «հաջողությամբ վայրէջք է կատարել», ինչը կարեւոր քայլ է Չինաստանի` մշտական տիեզերակայան գործարկելու եւ տիեզերագնացներին Լուսին ուղարկելու ձգտման մեջ, փոխանցում է AFP-ն:
Տիեզերանավը, որը գործարկվել էր երեքշաբթի օրը` ապահով կերպով ժամանել է նախապես որոշված վայր, հայտարարել է Չինաստանի տիեզերական գործակալությունը: Տիեզերանավի խցիկի կառուցվածքը չի վնասվել: Տիեզերական գործակալությունը հայտնել է, որ նավը երկու օր եւ 19 ժամ գտնվել է ուղեծիրում եւ մի շարք փորձարկումներ է իրականացրել:
Հույս կա, որ տիեզերանավը տիեզերագնացներին կհասցնի տիեզերակայան, որը Չինաստանը նախատեսում է ավարտել մինչեւ 2022 թվականը, եւ ի վերջո` Լուսինը:
