Նյու Դելիում բանկի աշխատակիցները դիմել են ոստիկանություն, երբ նախագահական պալատից տասը րոպե քայլելու հեռավորությամբ տեղադրված բանկոմատներից մեկի առջեւի վահանակը բացված են տեսել, հայտնում է Nat-geo-ն

Իրավապահները նայել են տեսախցիկների կադրերը եւ հայտնաբերել, որ «կողոպտիչը» մակակ-ռեզուսն է, որը հանելուկային կերպով ներթափանցել է բանկոմատների տարածք։

Կենդանին բացել է բանկոմատի առջեւի վահանակը, պլաստիկի մի կտոր պոկել եւ, այն հոտոտելով, հետաքրքրությունը կորցրել։

Հնդկաստանի փողոցներում կենդանիները երբեք հազվադեպ երեւույթ չեն եղել։ Երկրում քաղաքային տարածքները միշտ բնակավայրեր են եղել մակակների, թափառող շների, ինչպես նաեւ կովերի համար, որոնց սրբի կարգավիճակը թույլչի տալիս հնդիկներին որեւէ կերպ վնասել նրանց։ Սակայն երկրում կարանտինային միջոցների սահմանման հետ կենդանիները փողոցներում ազատության նոր աստիճան են ձեռք բերել։