Զինված անձը մտել է Նոր Նորքի 9-րդ զանգվածի ՎՏԲ բանկ։ Այս տեղեկությունը NEWS.am-ին հաստատեցին Ոստիկանության լրատվության ծառայությունից։
Ոստիկանությունից հայտնեցին, որ ահազանգը ստացվել է առավոտյան՝ 10։40-ի սահմաններում։ Մեկնել է օպերատիվ խումբ. այս պահին դեպքի վայրում աշխատում են ոստիկանները։
Ավելի ուշ «ՎՏԲ-Հայաստան» բանկի Երևանի մասնաճյուղը տարածել է հայտարարություն, որում ասվում է. «Բանկի վրա հարձակման մասին տեղեկատվությունը կեղծ է: Այսօր Վիլնյուսի փող. 3/84 հասցեում գործող ՎՏԲ-Հայաստան Բանկի թիվ 21 մասնաճյուղում տեղի է ունեցել միջադեպ, որը հրահրել է մասնաճյուղի այցելուներից մեկը: Մասնաճյուղի աշխատակիցները տեղեկացրել են ոստիկանությանը: Մենք համագործակցում ենք այս միջադեպի շուրջ իրավապահ մարմինների հետ»։
