ՀՀ-ում ՌԴ դեսպանատան առջեւ այսօր՝ մայիսի 11-ին, մի քանի տասնյակ ՌԴ քաղաքացիներ բողոքի ակցիա են անցկացրել։ Նրանք իրենց ձեռքում են պահել «Ուզում եմ մեկնել Ռուսաստան» գրությամբ պաստառներ։
Հիշեցնենք, որ երկար ժամանակ է՝ ազգությամբ հայ ՌԴ բազմաթիվ քաղաքացիներ պարբերաբար բողոքի ակցիաներ են անում՝ պահանջելով իրենց թույլ տալ վերադառնալ ՌԴ-ը, ինչն անհնար է դարձել կորոնավիրուսով պայմանավորված իրավիճակի հետեւանքով սահմանների փակ լինելու պատճառով։
Նշենք, որ ՀՀ-ում ՌԴ դեսպանատան հաղորդագրության համաձայն՝ ՌԴ քաղաքացիները հնարավորություն ունեն Երեւանից Վորոնեժ եւ Միներալնիե Վոդի ուղեւորվել մայիսի 17-ին եւ մայիսի 18-ին: Մայիսի 17-ին տեղական ժամանակով ժամը 13:20-ին նախատեսվում է Երեւան-Վորոնեժ № NGT747 չվերթ:
Դեսպանատան հաղորդագրության համաձայն՝ եւս մեկ չվերթ (№ NGT743) կիրականացվի մայիսի 18-ին ժամը 04:05-ին Երեւանից դեպի Միներալնիե Վոդի:
