Եվրեպական միությունը ուզում է «Արեւելյան գործընկերության» վեց անդամ-երկրների հետ համագործակցության ծրագրի համար երկարաժամկետ նպատակներ որոշել, հայտնում է «ՌԻԱ Նովոստի»-ն՝ հղում մկատարելով ԵՄ հայտարարությանը։
«Եվրախորհուրդը հետաքրքրությամբ սպասում է «Արեւելյան գործընկերության» հաջորդ գագաթաժողովին, որը պետք է քննարկի 2017թ․ նախորդ գագաթաժողովից հետո ձեռք բերված արդյունքները, հաստատի երկարաժամկետ քաղաքական նպատակներ, ուրվագծի համագործակցության հետագա ամրապնդման եւ ընդլայնման ուղին։ Մասնավորապես ԵՄ-ում ակնկալում են, որ գագաթաժողովի արդյունքներով կստանան մանդատ՝ 2020-ից հետո ընկած ժամանակահատվածի հաջորդ սերնդի առաջադրանքները որոշելու նախապատրաստական աշխատանքների համար:
ԵՄ-ն ակնկալում է, որ «Արեւելյան գործընկերության» շրջանակներում համագործակցությունը հնարավորություն կտա իր մասնակիցներին համատեղ լուծել տարբեր ոլորտներում, այդ թվում՝ կորոնավիրուսի համավարակի դեմ պայքարում, միջազգային ասպարեզում առկա խնդիրները:
ԵՄ «Արեւելյան գործընկերություն» ծրագիրն ուղղված է ԵՄ-ի եւ Հայաստանի, Ադրբեջանի, Մոլդովայի, Բելառուսի, Վրաստանի, Ուկրաինայի միջեւ հարաբերությունների զարգացմանը: ԵՄ եւ «Արեւելյան գործընկերության» գագաթաժողովը նախատեսված է անցկացնել հունիսի կեսին: Բացառված չէ, որ այն տեսակոնֆերանսի ձեւաչափով անցկացվի: