Հայաստանում անհրաժեշտ է բարձրացնել հասարակության մեդիագրագիտությունը: Այս մասին մայիսի 12-ին Ազգային ժողովի նիստին Հայաստանի օմբուդսմենի գործունեության վերաբերյալ զեկույցի քննարկման ժամանակ հայտարարեց «Իմ քայլը» իշխող դաշինքի պատգամավոր Մխիթար Հայրապետյանը:
Դրան, ըստ նրա, անհրաժեշտ է հատուկ ուշադրություն դարձնել:
«Եթե մեդիագրագիտություն չլինի, ապա ՀՀ քաղաքացիներն ամեն ժամ մանիպուլյացիաների եւ խաբեության վտանգի տակ կլինեն: Պետությունը հանրության հետ աշխատելու այլընտրանք չունի: Հենց մեդիագրագիտությունը կլուծի այն խնդիրը, որին բախվում է ՀՀ քաղաքացին: Մենք պետք է այնպիսի կրթված հասարակություն ունենանք, որը հստակ տարբերակում է սուտն ու կեղծիքն առողջ եւ հիմնավորված քննադատությունից»,- պարզաբանել է Հայրապետյանը:
Պատգամավորը, մասնավորապես, նշեց, որ որոշ ԶԼՄ-ները սուտ եւ կեղծիք են տարածքում, սակայն իշխանությունները, այնուամենայնիվ, չեն պատրաստվում դադարեցնել դրանց գործունեությունը: «Հայաստանում չի կարող այնպիսի կառավարություն լինել, որը որեւէ կայք կփակի, բայց լրատվամիջոցների բնագավառում պետք է նոր արդյունավետ մեխանիզմներ լինեն, որոնք հավասար եւ արդար են բոլորի համար»,- շեշտել է խորհրդարանականը` հավելելով, որ պետք է նաեւ օրենսդրական փոփոխություններ մշակվեն «ԶԼՄ-ների մասին» օրենքում:
