Անկախ պետությունների համագործակցության (ԱՊՀ) գագաթնաժողովը նախատեսվում է անցկացնել հոկտեմբերի 16-ին Տաշքենդում, հայտարարել է ՌԴ ԱԳՆ ղեկավար Սերգեյ Լավրովը, փոխանցում է «ՌԻԱ Նովոստի»-ն:
Նա նշել է, որ համագործակցության ինտեգրացիոն կապերի ամրապնդման փաստաթղթերի մի մասը հավանություն է ստացել երեքշաբթի տեսակոնֆերանսի ձեւաչափով անցկացված ԱՊՀ ԱԳՆ ղեկավարների հանդիպման ժամանակ: Դրանք առնչվում են պաշտպանության եւ անվտանգության, մշակութային-հումանիտար ոլորտների հարցերին:
«Այդ փաստաթղթերի մի մասը կներկայացվի ԱՊՀ պետությունների ղեկավարների խորհրդի նիստին, որը նախատեսված է 2020 թվականի հոկտեմբերի 16-ին Տաշքենդում»,- ասել է ՌԴ ԱԳ նախարարը:
Լավրովը նշել է, որ այդ իրադարձության նախօրեին՝ հոկտեմբերի 15-ին, այնտեղ նախատեսվում է անցկացնել ԱՊՀ ԱԳ նախարարների նոր հանդիպում:
