Իլոն Մասկը՝ չնայած իշխանությունների արգելքին, վերսկսում է Կալիֆոռնիայում Tesla գործարանների աշխատանքը:
Ավելի վաղ Մասկը Twitter-ում գրել էր, որ Կալիֆոռնիայի գործարանը կտեղափոխի Տեխաս կամ Նեւադա, եթե գործարանների փակման մասին հրամանագիրը չչեղարկվի:
Կալիֆոռնիայի իշխանություններն արդեն թուլացրել են կարանտինային սահմանափակումները՝ թույլ տալով վերսկսել արդյունաբերական արտադրությունը:
Մասկը նաեւ հայտնել էր, որ գործարանի աշխատանքը կվերսկսվի, եւ ինքն այնտեղ կլինի, եւ եթե ինչ-որ մեկին ձերբակալեն, ապա կխնդրի, որ դա ինքը լինի:
Reuters-ի հաղորդմամբ՝ Tesla-ի ղեկավարությունը էլեկտրոնային նամակներ է ուղարկել իր աշխատակիցներին, որոնցում ասվում է, որ գործարանները բացելու որոշումը համապատասխանում է Կալիֆոռնիայի իշխանությունների կողմից հավանության արժանացած կանոններին: