Մեզ միշտ փորձել են տեղափոխել այն դաշտ, որը մերը չի. այսինքն սպառնալիքներ, իրավիճակներ, որոնք փորձ կանեն մեզ դուրս դնել օրենքից, մենք չենք մտնելու այդ դաշտ: Այս մասին այսօր՝ մայիսի 13-ին, ԱԺ-ում ավանդական ճեպազրույցների ժամանակ նշեց «Լուսավոր Հայաստան» խմբակցության ղեկավար Էդմոն Մարուքյանը:
«Բնականաբար, մենք միս ու արյունից մարդիկ ենք, և տարբեր իրավիճակներում մի տեղ նյարդերդ են տեղի տալիս, մյուս տեղում համբերության բաժակ է լսվում: Տարբեր տեղեր մենք թույլ ենք տվել որոշակի վրիպակներ, որի համար մենք էլ ենք ցավում, բայց հարցը քաղաքական է և մնացած շահարկումները պետք է հանվի և քննարկվի քաղաքական հարցը՝ իր քաղաքական ու իրավական հետևանքներով: Նաև երաշխիքներով, որ այլևս երբևէ սուր խոսքի նկատմամբ բռնություն չի գործադրվելու:
Քաղաքական հարցի տիրույթ է ներմուծվել նաև անձնական բնույթի հարցեր, Ա ամբիոնը օգտագործվել է շահարկելու սրբություններ, որով փորձ է արվում բուն իրողությունը քողարկել և արդարացնել այն, ինչ տեղի է ունեցել:
Որևէ մեկի սրբության ուղղված որևէ ոտնձգություն մեր կողմից չկա: Եթե որևէ հայտարարություն մեր կողմից կամ մեր հետևորդների հայտարարություններից նման կերպէ դիտարկվել, ես ներողություն եմ խնդրում: Կապ չունի դա մոր հետ է կապված, կապ չունի՝ դա այլ սրբությունների հետ է կապված: Այս հարցը, որը իշխանությունը փորձում է միախառնել քաղաքական պրոցեսներին, մենք թույլ չենք տալու, տարանջատելու ենք»: