Վերակառուցման եւ զարգացման եվրոպական բանկը (ՎԶԵԲ) կորոնավիրուսի համավարակով առաջացած ճգնաժամի պատճառով տուժած Հայաստանի, Ադրբեջանի եւ Վրաստանի համար 2020 թվականի տնտեսական աճի իր կանխատեսումները նվազեցրել է, հայտնում է Reuters-ը:
ՎԶԵԲ նոր զեկույցի համաձայն՝ 2020 թվականին Հայաստանի տնտեսությունը 3,5 տոկոսով կկրճատվի գլոբալ անորոշության եւ համավարակի ֆոնին պահանջարկի անկման ու հումքային ապրանքների գների փոփոխականության հետեւանքով, բայց այնուհետեւ 2021 թվականին 5,5 տոկոսով կաճի:
Ավելի վաղ Հայաստանում կանխատեսվում էր 5,0 տոկոսով աճ:
Ինչ վերաբերում է Վրաստանին եւ Ադրբեջանին, զեկույցի համաձայն՝ Վրաստանում սպասվում է 2020 թվականին ՀՆԱ աճի 5,5 տոկոսով նվազում, այնուհետեւ 2021 թվականին կվերականգնվի մինչեւ 5,5 տոկոսով:
Ինչպես սպասվում է, Ադրբեջանի ՀՆԱ-ն արտաքին եւ ներքին պահանջարկի անկման ֆոնին 2020 թվականին կնվազի 3 տոկոսով, բայց 2021 թվականին պետք է աճի 3 տոկոսով:
