News
Լրահոս
News
Երկուշաբթի
Հուլիս 04
USD
407.52
EUR
425.9
RUB
7.41
Տեսնել լրահոսը

Կորոնավիրուսային ճգնաժամը արմատապես կփոխի համաշխարհային առեւտուրը, քանի որ ընկերությունները ձգտում են նվազեցնել իրենց կախվածությունը չինական արտադրությունից: Համավարակը հետ կշրջի գլոբալիզացիան՝ արագացնելով շարժումը դեպի մատակարարումների տարածաշրջանային շղթաներ, ասվում է Economist Intelligence Unit-ի զեկույցում:

Միջազգային առեւտրում Չինաստանի գերակայությունը աճել է այն պահից, երբ երկիրը 2001 թվականին ներառվեց ԱՀԿ-ի կազմում: Այս իրադարձությունը EIU-ի կողմից ճանաչվեց որպես գլոբալիզացիայի վերջին ալիք, քանի որ բազմազգ ընկերությունները օգտվեցին երկրում արտադրության եւ պահանջարկի հնարավորություններից:

«Սակայն Covid-19-ի հետեւանքով, շատ հավանական է, որ գլոբալիզացիայի այս ժամանակահատվածը ոչ միայն կանգ առնի, այլեւ հետ կշրջվի»,- ասվում է զեկույցում՝ նշելով, որ չին-ամերիկյան առեւտրային պատերազմը եւ Չինաստանում աշխատավարձերի բարձրացումը արդեն իսկ դրդել են որոշ ձեռնարկությունների մատակարարման շղթաները տեղափոխել Ասիայի մյուս մասեր:

«Դրա արդյունքը կլինի մատակարարումների ասիական ցանցը, որն ավելի քիչ կողմնորոշում կունենա դեպի Չինաստան եւ ավելի բազմազան կլինի»,- ասվում է զեկույցում:

Չինաստանից այդ հեռացումը կվկայի ավելի լայն միտման մասին, քանի որ գլոբալ ընկերությունները, կորոնավիրուսով պայմանավորված, մատակարարումների հետ կապված ցնցումից հետո իրենց կայունությունը բարձրացնելու ուղիներ են փնտրում:

Մատակարարման շղթաների ստեղծման կամ տեղաշարժի դժվարությունների պատճառով, հատկապես ավտոմոբիլային ոլորտում, շատ հավանական է, որ նշանակալի փոփոխությունները մշտական դառնան։

«Այն բանից կախված, թե ինչպես ավելի շատ ընկերություններ կընդունեն այդպիսի որոշում, տարածաշրջանային մատակարարման շղթաներին անցումը կլինի այս ճգնաժամի կայուն արդյունքը»,- ասվում է զեկույցում:

Բազմաթիվ ոլորտներ, ինչպիսիք են դեղագործությունը, գյուղատնտեսությունը եւ էներգետիկան, գլոբալ առողջապահական ճգնաժամի պայմաններում ճնշման տակ են հայտնվել, քանի որ դրանց կախվածությունը այնպիսի տնտեսությունից, ինչպիսին Չինաստանինն է, եւ միջազգային լոգիստիկայի հետ կապված խնդիրները ճնշում են գործադրել մատակարարումների շղթայի վրա: Չորեքշաբթի EIU-ն նշել է, որ կորոնավիրուսի համավարակը միակ խնդիրը չէ, որը ընկերություններին կստիպի վերանայել իրենց մատակարարումների շղթաները:

Վերլուծաբանները նաեւ ընդգծել են, որ կլիմայի փոփոխությունը ընկերությունների համար ավելի ու ավելի մեծ նշանակություն ձեռք կբերի՝ կանխատեսելով, որ մինչեւ 2050 թվականը համաշխարհային տնտեսությունը կնվազի 3%-ով, քանի որ աճում են բնապահպանական խնդիրները, ինչպիսիք են բնական լուրջ աղետները:

Շուկային հետեւող մասնագետները գլոբալիզացիայի տապալում էին կանխատեսում դեռեւս մինչեւ Covid-19-ի բռնկումը:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայաստանում վերջին մեկ շաբաթում հաստատվել է կորոնավիրուսով վարակվելու 174 նոր դեպք. Մահ չի գրանցվել
Փաստացի այս պահին բուժվում է 290 պացիենտ...
ՀԲ-ն հավանություն է տվել համավարակների դեմ պայքարի համար հիմնադրամի ստեղծմանը
«COVID-19-ի ավերիչ մարդկային, տնտեսական եւ սովիալական հետեւանքները ցույց են տալիս, որ անհրաժեշտ է համակարգել առողջապահական․․․
Չինաստանը 7 օր կդարձնի կենտրոնացված կարանտինը արտասահմանից եկողների համար
Չինաստանի իշխանությունները կկրճատեն կենտրոնացված կարանտինի օրերը...
Հայաստանում վերջին մեկ շաբաթում հաստատվել է կորոնավիրուսով վարակվելու 139 նոր դեպք. Մահացել է 1 մարդ
Վերջին մեկ շաբաթում կատարվել է 6968 թեստավորում: Մինչև այժմ կատարված...
Պեկինը հաղթել է կորոնավիրուսին. դպրոցներն ու մանկապարտեզները կբացվեն
Ուրբաթ օրը Պեկինը հաղորդել է COVID-19-ի երկու նոր հաստատված դեպքի մասին․․․
Սոմալիի նորընտիր նախագահը վարակվել է կորոնավիրուսով
Սոմալիի նորընտիր նախագահ Հասան Շեյխ Մոհամուդը հայտնել է , որ ինքնամեկուսացվել է, քանի որ Արաբական Միացյալ Էմիրությութններ կատարած այցից հետո նրա մոտ կորոնավիրուս է հայտնաբերվել, հայտնում է AFP լրատվականը:
Ամենաշատ
Ֆոտոռեպորտաժներ