News
Լրահոս
News
Ուրբաթ
Մարտ 29
Տեսնել լրահոսը


Հասկացել եմ մի բան՝ մեղադրվում եմ այն պատճառով, որ բժիշկ եմ ու ընտրվել եմ ԱԺ նախագահ։ Այս մասին այսօր՝ մայիսի 14-ին, Արա Բաբլոյանի եւ Արսեն Բաբայանի գործով դատական նիստից հետո լրագրողների հետ զրույցում ասաց Ազգային ժողովի նախկին նախագահ Արա Բաբլոյանը։

Նա ասաց, որ ինքը երբեք չի խախտել օրենքն ու Սահմանադրությունը. «Բնականոն աշխատանքն ապահովելու համար, որպեսզի պատգամավորները գործեն, գոյություն ունի 650 հոգի աշխատակազմ ԱԺ-ում, որին պետությունը վճարում է աշխատավարձ։ Այդ աշխատակազմը պատրաստում է բոլոր այն փաստաղթղթերը համաձայն՝ օրենքի եւ Սահմանադրության, որոնց հիման վրա էլ աշխատում են պատգամավորները։ Ես ստացել եմ փաստաթուղթ Գագիկ Հարությունյանից եւ հանձնել եմ իմ աշխատակազմին։ Աշխատակազմը պատրաստել է պատասխան, որը ես հայտարարությամբ հանդես եմ եկել։ Իրենք արել են այնպես, ինչպես օրենքն է պահանջում, որով էլ ես ղեկավարվել եմ։ Բոլորը գիտեն, որ ես չեմ միջամտել»։

Բաբլոյանի խոսքով՝ իրեն մեղադրում են մի բանի համար, որ ինքը չի միջամտել եւ չի վերցրել իրավաբանի գործը. «Այդ օրերը որեւիցե նշանակություն չունեն, որովետեւ հիմնական նշանակություն ունեն օրերից ամսի 5-ը եւ 12-ը, այսինքն՝ 5-ին իմ հայտարարությունը հրապարակվել է եւ երկրորդ հրապարակումը, որը պետք է լինի 7 օր հետո, որը տեղի է ունեցել ամսի 12-ին։ Մնացած ամսաթվերը, որոնք շրջանառվում են, դրանք համարում եմ փնթիություն եւ որեւիցե իրավական հիմք չունեն։ Եթե որեւիցե մեկը կասի, որ իրենք ունեն իրավական հիմք, ապա թող բարձրայնեն։ Ի սկզբանե գորխը սկսվել էր, որ Արա Բաբլոյանը իրավունք չուներ Հրայր Թովմասյանին պատգամավորությունից ազատելու, դա օդ գնաց, որովհետեւ սխալ էին։ Երբ օրինակ էի բերում, որ նույն ձեւ վերաբերվել եմ Նիկոլ Փաշինյանին, Արարատ Միրզոյանին, Արտակ Զեյնալյանին, երբ պաշտոն էին եղել։ Այդ օրը 80-ից ավելի մարդ է քվեարկել, բայց, չգիտես ինչու, պատասխանատվություն կրում է մեկը:»։

Նախկին ԱԺ նախագահը շեշտեց, որ ինքն իր բնավորությամբ եւ մասնագիտությամբ նույն կերպարն է։

Հարցին՝ արդյոք ինքը վիրավորվա՞ծ է իշխանություններից, Բաբլոյանն ասաց՝ ոչ, ինքն ավելի փիլիսոփայորեն է նայում հարցին, որովհետեւ բժիշկ է. «Մտահոգ եմ, որ խորհրդականները սխալ բաներ են ասում եւ ղեկավարներն էլ նրանց հավատում են»։

Նշենք, որ Երեւանի ընդհանուր իրավասության դատարանի՝ Ավան-Նոր Նորք նստավայրում, նախագահությամբ՝ դատավոր Հարություն Մանուկյանի, այսօր՝ մայիսի 14-ին, մեկնարկել էր Ազգային ժողովի նախկին նախագահ Արա Բաբլոյանի եւ ԱԺ աշխատակազմի ղեկավարի նախկին տեղակալ Արսեն Բաբայանի գործով առաջին դատական նիստը։

Ըստ մեղադրական եզրակացության՝ Արա Բաբլոյանը 2018թ․ հանդիսանալով Հայաստանի Հանրապետության Ազգային ժողովի նախագահը, մշտապես իշխանության ներկայացուցչի գործառույթներ իրականացնող պաշտոնատար անձ չարաշահել է իր պաշտոնեական լիազորությունները, որն անզգուշությամբ առաջացրել է ծանր հետեւանքներ, ինչպես նաեւ կատարել է պաշտոնեական կեղծիք։

Արա Բաբլոյանին մեղադրանք է առաջադրվել ՀՀ քրեական օրենսգրքի 308-րդ հոդվածի 2-րդ եւ 314-րդ հոդվածի 1-ին մասերով։

Տպել
Ամենաշատ