Հիմա ոմանք փորձում են ՀՀ օրինական ընտրված ներկայացուցիչներին բանակցային սեղանի շուրջ կաշկանդել՝ անընդհատ ասելով՝ վայ, ինչ է տեղի ունենում: Այս մասին այսօր՝ մայիսի 16-ին, իր մեծ ասուլիսի ժամանակ նշեց ՀՀ վարչապետ Նիկոլ Փաշինյանը:
«Ընդ որում, ինչի՞ են ուզում կաշկանդել, որովհետեւ Արցախի բանակցային սեղանի բանակցությունների հիմքում կա մի սկզբունք, որ որեւէ բան որոշված չի, քանի դեռ ամեն ինչ հմաձայնեցված չի: Բանակցային սեղանի շուրջ ամենատարբեր մարդիկ են նստած, կարող են հնչեցնել ամենաընդունելիից մինչեւ ամենաանընդունելի գաղափարներ: Ուզում են էնքան կաշկանդել, որ ՀՀ ներկայացուցիչները ականջները փակեն, ասեն՝ մենք չենք լսում, կամ թողնեն փախնեն բանակցությունների սեղանի մոտի՞ց: Սա ի՞նչ մոտեցում է»,-ասաց Փաշինյանը:
Նա եւս մեկ անգամ հայտարարեց, որ Ղարաբաղի հարցի լուծողը հայ ժողովուրդն է. «Ես մեր սկզբունքները բազմիցս հրապարակել եմ: Մենք կաշկանդված չենք լինելու բանակցային սեղանի շուրջ: Մեր խնդիրն է գտնել լուծում, իսկ գտնել, նշանակում է փնտրել, իսկ դա նշանակում է խոսել: Իսկ խոսել, նշանակում է վստահ լինել, որ պատկերացնում ենք, թե ինչ ենք ուզում, եւ վստահ լինել սեփական ուժերին: Մենք վստահ ենք, եւ Հայաստանյան որոշ ուժեր չեն կարող մեզ կաշկանդել»,-ընդգծեց վարչապետը: