News
Լրահոս
News
Երկուշաբթի
Հունիս 01
USD
483.91
EUR
533.66
RUB
6.83
ME-USD
0.03
Տեսնել լրահոսը

Այսօր հայտնի դարձավ, որ Ազգային ժողովի նախագահի տեղակալ Ալեն Սիմոնյանը դատի է տվել «Այլընտրանք» ՀԿ համանախագահ, քաղաքագետ Գարեգին Պետրոսյանին. հայցադիմումը դատարան մուտք է եղել մայիսի 12-ին և նույն օրը մակագրվել է Երևանի ընդհանուր իրավասության դատարանի դատավոր Էդուարդ Ամալյանին:

«Alternativ.am»-ը փորձեց կապ հաստատել Ալեն Սիմոնյանի հետ՝ պարզելու համար, թե կոնկրետ ինչի համար է ԱԺ փոխխոսնակը դատական հայց ներկայացրել քաղաքագետի դեմ, սակայն Սիմոնյանի հետ կապվելու մեր բոլոր փորձերն ապարդյուն անցան. պատգամավորի օգնականն ասաց, որ Սիմոնյանը գտնվում է Արցախի Հանրապետությունում և միայն մայիսի 23-ին հնարավոր կլինի նրա հետ կապ հաստատել:

Դրանից հետո կապ հաստատեցինք «Այլընտրանք» ՀԿ համանախագահ Գարեգին Պետրոսյանի հետ, ով մեզ հետ զրույցում հայտնեց, որ գաղափար չունի՝ ինչով է պայմանավորված ԱԺ փոխխոսնակի նմանատիպ պահվածքը:

«Գլխի ընկնում եմ, սակայն, թե ինչ նպատակ է այս ամենը հետապնդում. գլխավոր նպատակը մեկն է՝ մեզ լռեցնելը: Նշեմ, որ սա միակ դատական գործը չէ, որով մեր հասարակական կազմակերպության անդամ է անցնում: Իրավապաշտպան Մարինա Պողոսյանը դատական հայց է ներկայացրել Կորյուն Գրիգորյանի դեմ, իսկ մեր ՀԿ մյուս համանախագահը՝ Նարեկ Մանթաշյանը, վկայի կարգավիճակ ունի չարաբաստիկ «Քթի գործով», որով տուժող է ճանաչվել դատավոր Աննա Դանիբեկյանը»,- մեզ հետ զրույցում,- մեզ հետ զրույցում հայտնեց քաղաքագետը:

Պետրոսյանը հավելեց, որ նմանօրինակ ճնշումները ոչ մի կերպ չեն ազդելու իրենց հասարակական կազմակերպության գործունեության վրա, և որ իրենց բազմապատկված եռանդով են շարունակելու աշխատել»,– գրում է կայքը:

Տպել
Ամենաշատ