Տուլայում բուժքույրերից մեկը պացիենտների մոտ հիվանդասենյակ է եկել թափանցիկ պաշտպանական հանդերձանքով, որը նա հագել է լողազգեստի վրա, հայտնում է «Տուլսկիյե նովոստին»
Միջադեպը տեղի է ունեցել Տուլայի մարզային կլինիկական հիվանդանոցի ինֆեկցիոն հոսպիտալում: Պորտալի տեղեկություններով՝ աղջիկը որոշել է այդ հագուստը հագնել, քանի որ պաշտպանական հանդերձանքի մեջ չափազանց շոգ էր: Ընդ որում՝ բուժքույրը հաշվի չի առել, որ այն կարող է միջաթափանց լուսադիտվել:
Տեղական առողջապահության նախարարությունից հայտնել են, որ աշխատակցուհուն նկատողություն է արվել:
«Տուլայի մարզային կլինիկական հիվանդանոցում աշխատակցի կողմից բժշկական հագուստի պահանջները չպահպանելու փաստով առողջապահության նախարարությունը հայտնում է, որ այդ պահանջը խախտած ինֆեկցիոն հոսպիտալի բուժքրոջ նկատմամբ կիրառվել է կարգապահական տույժ՝ նկատողության ձեւով»,- նշել են գերատեսչությունից:
Բուժանձնակազմի հետ տարվել է բացատրական զրույց: Դրանից բացի, հիվանդանոցում ուժեղացրել են հատուկ հանդերձանքի եւ անհատական պաշտպանության միջոցների օգտագործման վերահսկողությունը:
