Պարետատունն ուզում է աջակցել, ուզում է գտնել հնարավոր միջոցներ, որով հնարավոր է մեր հետագա աշխատանքի հարցը լուծել, քանի որ դա օգնելու է տնտեսության բոլոր ոլորտներին: Այս մասին այսօր՝ մայիսի 20-ին, ասաց կառավարության դիմաց բողոքի ակցիայի մասնակիցներից հանդիսավար Վարդան Խաչատրյանը, որը բարձրացել էր վերեւ եւ քննարկել հարցը կառավարության ներկայացուցիչների հետ:
Նա ասաց, որ այդ հանդիպմանը իրենք ներկայացրել են իրենց առաջարկը՝ «Դուխով բացեք ռեստորանները, պատասխանատվությունը միայն ձեր վրա չի, մենք էլ ենք ուզում կրենք պատասխանատվություն: Ուզում ենք քննարկենք, գտնենք լուծում, որով հնարավոր կլինի մեր հետագա աշխատանքը»,-ասաց նա՝ հավելելով, որ իրենք որոշել են ռեստրանների ներկայացուցիչներից, երաժիշտներից, հանդիսավարներից 5-ական հոգով խորացված կերպով կքննարկեն եւ կներկայացնեն խնդիրներն ու հնարավոր լուծումները:
