News
Լրահոս
News
Չորեքշաբթի
Հուլիս 08
USD
485.74
EUR
547.57
RUB
6.82
ME-USD
0.02
Տեսնել լրահոսը


Երեւանցի 91-ամյա Սրբուհի տատիկը հաղթահարել է կորոնավիրուսը եւ առողջացել դրա հետեւանքով առաջացած երկկողմանի թոքաբորբից։ Նա 20 օրվա բուժումից հետո մայիսի 20-ին դուրս է գրվել Սուրբ Գրիգոր Լուսավորիչ բժշկական կենտրոնից եւ գնացել տուն՝ իր 91-ամյակը ընտանիքի հետ նշելու։

«Տատիկի 91-ամյակը հիվադանոցում էր լրացել, միայն կարողացել էինք հեռախոսով շնորհավորել, հիմա այսօր նոր ուշացած նշում ենք։ Շատ էինք անհանգստանում, քանի որ երկկողմանի թոքաբորբ ուներ, թոքերի մակերեսի 70 տոկոսը ախտահարված էր, բայց ինքը շատ ուժեղ գտնվեց, իր տեսակով շատ ուժեղ կին է, շատ դժվարություններ հաղթահարած կին է, կորոնավիրուսը չէր, որ պետք է նրան բաժաներ մեզնից»,- ասում է նրա թոռը՝ Ռաֆայելը։

Հարազատներին հայտնի չէ, թե որտեղից կարող էր տատիկը վարակվել, քանի որ շփման շրջանակը չի անցել ընտանիքի անդամներից ու մի քանի հարեւաններից։ Մոտը հազ, թուլություն են նկատել, դիմել բուժօգնության եւ պարզվել է, որ կորոնավիրուս ունի։ Հիվանդության ընթացքը թեթեւ է անցել՝ չնայած երկկողմանի թոքաբորբին։ Ջերմել է կարճ ժամանակ, բուժման ամբողջ ընթացքն անցկացրել է հիվանդասենյակում։

Թոռը կատակում է, թե տատիկն այնքան առողջ է, որ երիտասարդ տարիքում ծննդաբերությունից հետո առաջին անգամ էր հիվանդանոց գնացել։ Հարազատներից որոշ ժամանակ է պահանջվել տատիկին համոզելու համար, որ ինքն իսկապես վատառողջ է։ 20 օր անց աշխարհն ահաբեկած վիրուսը հաղթահարելուց հետո Սրբուհի տատիկը վարակվածներին առաջարկում է փորձել իր պատվաստանյութը․  «Մաքուր սիրտ է պետք ունենալ, ինչքան որ կարաք՝ սիրտը մաքուր պահեք ու առողջ կլինեք»։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Արցախ մուտք գործելու համար գործելու են նոր պահանջներ. Պարետի նոր որոշում
ԱՀ սահմանը հատելու համար Արցախի Հանրապետության քաղաքացիները անցակետում պետք է առողջապահության նախարարության մասնագետներին ներկայացնեն պոլիմերազային…
Գյումրու Տուն-ինտերնատի վարակված տարեցների թիվը հասավ 56-ի. մահացածների թիվը 3-ն է
Ամենօրյա ռեժիմով խորհրդակցում ենք հիվանդությունների վերահսկման եւ կանխարգելման ազգային կենտրոնի հետ, որպեսզի կարողանանք եւ´ աշխատողների, եւ շահառուների մեկուսացումը ճիշտ իրականացնել…
Թրամփը հայտարարել է աշնանը դպրոցները վերաբացելու համար նահանգապետերի վրա ճնշում գործադրելու պլանների մասին
Դպրոցների փակումը միլիոնավոր ծնողների ստիպում է օր եւ գիշեր զբաղվել երեխաներով, շատ հաճախ՝ իրենց աշխատանքի հաշվին․․․
Տեղեկություններ եմ ստանում, որ առաջարկություն է լինում, որ հարազատի մահը գրանցվի իբր կորոնավիրուսից մահ.Արմեն Խաչատրյան
Վերջում պարզվել է, որ մի հատ զանգ է եղել, կամ չի եղել: Ես այստեղ տեսնում եմ որոշակի հնարավոր միտումներ, հնարավոր սադրանքներ...
Ռուսաստանն ավելի քան 600 ԹԱՕ սարքեր է ուղարկել մի շարք երկրներ
Մասնավորապես, սարքեր են ուղարկվել Ուզբեկստան, Սերբիա, Իտալիա եւ Բելառուս...
Կորոնավիրուսով վարակված՝ «Իմ քայլի» պատգամավորից 2-ը առողջացել են
Նոր վարակակիր չկա․․․