News
Լրահոս
News
Ուրբաթ
Հունիս 05
USD
481.74
EUR
546
RUB
7.01
ME-USD
0.03
Տեսնել լրահոսը

Մայիսի 22-ին տեղի է ունեցել Արցախի Հանրապետության Ազգային ժողովի նախագահ Արթուր Թովմասյանի եւ Հայաստանի Հանրապետության Ազգային ժողովի նախագահ Արարատ Միրզոյանի հանդիպումը:

Արարատ Միրզոյանը, իր եւ ՀՀ ԱԺ անունից շնորհավորելով Արցախի խորհրդարանի նորընտիր նախագահին, պատրաստակամություն է հայտնել շարունակել ընդլայնել երկու հանրապետությունների խորհրդարանների միջեւ սերտ համագործակցությունը:

Շնորհակալություն հայտնելով Արարատ Միրզոյանին ՀՀ խորհրդարանական պատվիրակության կազմով Արցախ այցելելու համար՝ Արթուր Թովմասյանը, բարձր է գնահատել Հայաստանի Հանրապետության Ազգային ժողովի դերը Արցախի դիրքորոշումը խորհրդարանական տարբեր շրջանակներում ներկայացնելու գործում: ԱԺ նախագահը նաեւ համոզմունք է հայտնել, որ երկու խորհրդարանների համագործակցությունը այսուհետ եւս կշարունակի ակտիվորեն ընդլայնվել:

Արցախի եւ Հայաստանի ԱԺ նախագահների հանդիպումն այնուհետեւ շարունակվել է ընդլայնված կազմով՝ երկու հանրապետությունների խորհրդարանների պատգամավորների մասնակցությամբ:

Ողջունելով ներկաներին՝ ԱԺ նախագահ Արթուր Թովմասյանն անդրադարձել է Հայաստանի եւ Արցախի խորհրդարանների համագործակցությանը՝ նշելով որ միջխորհրդարանական հանձնաժողովի աշխատանքներին զուգահեռ, անհրաժեշտ է համարում նաեւ երկու խորհրդարանների մշտական հանձնաժողովների միջեւ սերտ փոխգործակցությունը:

Անդրադառնալով խորհրդարանի արտաքին կապերին՝ ԱԺ նախագահը ընդգծել է ԵԱՀԿ ղարաբաղյան հակամարտությամբ զբաղվող Մինսկի խմբի համանախագահող երկրների հետ կապերի խորացումը՝ այդ գործընթացում կարեւորելով ՀՀ խորհրդարանի դերը:

ՀՀ ԱԺ նախագահ Արարատ Միրզոյանը, շնորհավորելով ներկաներին համապետական ընտրությունների կապակցությամբ, անդրադարձել է Արցախի եւ Հայաստանի խորհրդարանների համագործակցությանը՝ ընդգծելով խորհրդարանական դիվանագիտության դերը՝ երկրի դիրքորոշման ներկայացման գործում:

«Խաղաղ բանակցությունների արդյունքը, արցախյան հիմնախնդրի վերջնական լուծումը պետք է հիմնված լինեն Արցախի ժողովրդի ազատ ինքնորոշման իրավունքի իրացման վրա, եւ չի կարող լինել որեւէ լուծում, որը չի ունենա Արցախի եւ Հայաստանի ժողովրդի համաձայնությունը»,- նշել է Արարատ Միրզոյանը:

Հանդիպմանը հայկական երկու հանրապետությունների խորհրդարանների պատգամավորները հանդես են եկել ելույթներով եւ հնչեցրել առաջարկներ, ինչպես Արցախի բարեկամական շրջանակների ընդլայնման, այնպես էլ՝ տարբեր երկրների խորհրդարանների հետ համագործակցության նոր ուղիների մշակման վերաբերյալ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Արարատ Միրզոյանը հեռախոսազրույց է ունեցել ԵԱՀԿ ԽՎ նախագահի հետ. քննարկել են Ադրբեջանի վերջին դիվերսիոն փորձը
Զրուցակիցները մտքեր են փոխանակել ստեղծված համավարակի պայմաններում կառույցի աշխատանքի եւ տարբեր երկրներում նոր կորոնավիրուսի դեմ պայքարի...
Ղարաբաղը այլեւս Արցախի Հանրապետություն է՝ ինքնորոշված պետություն. «Արդարություն» կուսակցություն
Երբ Հայաստանի Հանրապետության վարչապետ Նիկոլ Փաշինյանը հայտարարեց, որ արցախյան հիմնախնդրի կարգավորման բանակցային գործընթացում ինքն իրավասու…
Պատվիրակության ղեկավար․ ԵՄ-ն չի դիտարկում ռազմական ներկայության հնարավորությունը Հայաստանում
Միաժամանակ, մենք սերտ կապեր ունենք ՀՀ պաշտպանության նախարարության հետ․․․
ԵԱՀԿ-ում տարածվել է Արցախի ԱԳՆ պատրաստած փաստաթուղթը՝ Ադրբեջանի կողմից իրականացված «Օղակ» գործողության մասին
Այս մասին տեղեկանում ենք Արցախի ԱԳՆ ֆեյսբուքյան էջից...
Ավարտվել է Մնացականյան-Մամեդյարով տեսակոնֆերանսը. ընդունվել է համատեղ հայտարարություն
Նոր տիպի կորոնավիրուսի դեմ մղվող գլոբալ պայքարի համատեքստում առանձնահատուկ ընդգծվել է հրադադարի ռեժիմի անվերապահ պահպանման...
Մեկնարկել է Մնացականյան–Մամեդյարով տեսակոնֆերանսը
Այս մասին ֆեյսբուքյան էջում տեղեկացրել է ՀՀ արտաքին գործերի նախարարությունը...