News
Լրահոս
News
Երեքշաբթի
Մայիս 26
USD
483
EUR
526.57
RUB
6.76
ME-USD
0.03
Տեսնել լրահոսը

Վրացական կողմը չի թաքցնում նոր կորոնավիրուսային ինֆեկցիայով վարակման հայտնաբերված դեպքերի թիվը, հայտարարել է Թբիլիսիի ինֆեկցիոնն կլինիկայի բուժգծով ղեկավար Մարինա Էզգուբայան՝ մեկնաբանելով Հայաստանի առողջապահության նախարարի հայտարարությունը, փոխանցում է «Sputnik-Գրուզիան»:

Հայաստանի առողջապահության նախարար Արսեն Թորոսյանը ավելի վաղ հայտարարել էր, որ Վրաստանում հակահամաճարակային համակարգը եւ առողջապահությունը տարբերվում է հայկականից, ընդ որում՝ ոչ լավ կողմով: Նախարարը նաեւ նշել էր, որ Հայաստանն իր վիճակագրությունը թափանցիկ է ցույց տալիս:

«Մեր բոլոր տվյալները հավաստի են, մենք ոչ մի դեպք չենք թաքցնում: Այսօրվա դրությամբ հիվանդացած պացիենտների թիվը կազմում է 728, եւ եթե որեւէ մեկը դրանում կասկածում է, ես չգիտեմ: Իմ կարծիքը նշանակություն չունի, ճշմարտությունը մեկն է՝ մենք հաստատված 728 պացիենտ ունենք, փաստերը թաքցնելը իմաստ չունի, ինչպես եւ այդ թեմայով խոսելը»,- ասել է Էզգուբայան:

Վերջին տվյալներով՝ Հայաստանում գրանցվել է կորոնավիրուսով վարակման 6 302 դեպք: Փորձագետները բազմիցս կարծիք են հայտնել, որ նման անմխիթար իրավիճակը կապված է այն հանգամանքի հետ, որ իշխանությունները ուշացան ինֆեկցիայի տարածումը զսպող միջոցառումներ ընդունել, նշում է վրացական գործակալությունը:

Վրաստանը կորոնավիրուսի ախտորոշման թեստեր է ստացել 2020 թվականի փետրվարի 4-ին՝ երկրում կորոնավիրուսի առաջին դեպքի հայտնաբերումից 22 օր առաջ: Արդեն փետրվարի 12-ին մշակվել են հանձնարարականներ եւ ուղեցույցներ, որոնք անհրաժեշտ էին կորոնավիրուսի դեմ պայքարի համար: Կորոնավիրուսով վարակման առաջին դեպքը երկրում գրանցվել է փետրվարի 26-ին: Վրաստանում վարակման ներքին տարածման գործընթացը սկսվել է մարտի 22-ից, երբ երկրում վարակակիրների ընդհանուր թիվը կազմում էր 54:

Այդ ժամանակ Վրաստանում արդեն մտցվել էին արտակարգ դրություն եւ խիստ սահմանափակումներ:

Մայիսի վերջի դրությամբ երկրում անցկացվել է կորոնավիրուսի ախտորոշման մոտ 46 հազար թեստ, ամեն օր թեստավորվում էր 1,6 հազար մարդ:

Այսօրվա դրությամբ Վրաստանում ԱԴ ռեժիմը հանվել է, սակայն քաղաքացիների մի շարք սահմանափակումներ շարունակում են գործել:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Համավարակի իրական պատկերը ստանալու համար պետք է թեստավորել բոլորին․ Արթուր Ղազինյան
Սակայն դա չի նշանակում, որ հնարավոր չէր սա անել, օրինակ մարտի 2-ին, երբ վիրուսը դեռևս շատ չէր տարածվել․․․
Մեկ օրում կորոնավիրուսով վարակվել է 289 մարդ. կա 4 մահ. Ապաքինվել է 75 պացիենտ
Փաստացի այս պահին բուժվում է 4052 անձ (մեկ օրում ավելացել է 210-ով)...
Լայվերով,սելֆիներով ու ծառից ծառ թռնելով կորոնավիրուսի դեմ չեն պայքարում․ Շարմազանով
Այս խայտառակ իրավիճակի միակ պատասխանատուն դու ես և քո միակ սխալն այն է,որ դեռ հրաժարական չես տվել․․․
Ոսկին էժանանում է դոլարի փոխարժեքի աճին զուգահեռ
Ոսկու գնի վրա ճնշում է գործադրում դոլարի փոխարժեքի աճը...
Մեծ Բրիտանիայի վարչապետը խոստովանել է, որ իր տեսողությունը վատթարացել է կորոնավիրուսի պատճառով
«Կարծում եմ՝ դա շատ իրատեսական է, որ [վատթարացած] տեսողությունը կարող է կորոնավիրուսի հետ կապված խնդիր լինել...
COVID-19-ի Հայաստանի օգնության փաթեթը կազմում է ՀՆԱ-ի 2 տոկոսը. ԱՄՀ
Ըստ Արժույթի Միջազգային հիմնադրամի, Հայաստանի կառավարությունը հայտարարեց...
Ամենաշատ