News
Լրահոս
News
Ուրբաթ
Մայիս 07
USD
521.45
EUR
628.19
RUB
6.99
ME-USD
0
Տեսնել լրահոսը

Հայկական կողմը ափսոսում է, որ առողջապահության նախարար Արսեն Թորոսյանի ճիշտ չմեկնաբանված հայտարարությունը վշտացրել է վրացի գործընկերներին։ Այս մասին «Իմեդի» հեռուստաընկերության եթերում հայտնել է Վրաստանի արտգործնախարար Դավիթ Զալքալիանին, հայտնում է «Նովոստի-Գրուզիա»-ն։

Հայկական մի շարք ԶԼՄ-ների տեղեկատվության համաձայն, Թորոսյանը հայտարարել է, որ Վրաստանում հակահամաճարակաբանական համակարգը տարբերվում է հայկականից, ընդ որում՝ ոչ լավ իմաստով։ Հայաստանի առողջապահության նախարարը կարծում է, որ Վրաստանում կորոնավիրուսով վարակման եւ մահացության ոչ մեծ թիվը կարելի է բացատրել թերություններով՝ հարեւան երկրում թեսթերի անցկացման մեթոդոլոգիայի եւ որակի տեսակետից։

Այս հայտարարությանը հետեւեց սուր արձագանք՝ Վրաստանի առողջապահական ոլորտի կողմից։ Ոլորտի բարձրաստիճան պաշտոնյաները հավաստիացնում էին, որ երկրում կորոնավիրուսի վիճակագրությունը բացարձակ թափանցիկ է։

Զալքալիանիի խոսքերով՝ դիվանագիտական խողովակներով վրացական կողմը բացատրություններ է պահանջել Հայաստանի համապատասխան պետական գերատեսչություններից։

«Բնականաբար, հենց ԶԼՄ-ներից ստացանք նման հայտարարություների մասին տեղեկատվությունը, անհապաղ արձագանք եղավ դիվանագիտական խողովակների միջոցով․․․ Իհարկե, մեղմ ասած, դա շատ անտեղի էր հարեւան եւ բարեկամական երկրի հանդեպ, այդ թվում, պաշտոնատար անձանց կողմից, այնպիաի բարձրաստիճան պաշտոնատար անձի կողմից, ինչպիսին առողջապահության նախարարն է»,- հայտարարել է նախարարը։

Զալքալիանին տեղեկացրել է, որ Հայաստանի առողջապահության նախարարությունը իր դիրքորոշումը փոխանցել է Երեւանում Վրաստանի դեսպանության միջոցով։

«Քիչ առաջ ինձ հետ կապվեցին Երեւանում մեր դեսպանությունից։ Նրանք տեղեկացրերցին, որ Հայաստանի առողջապահության նախարարությունից զանգել են դեսպանություն։ Զանգել է ԱՄ միջազգային հարաբերությունների վարչույթան պետը եւ առողջապահության նախարարի անունից ափսոսանք է հայտնել՝ կապված այն բանի հետ, որ իր հայտարարությունը, որը ոչ ճիշտ է մեկնաբանվել, վշտացրել է վրացի գործընկերներին»,- ասել է նա։

Հայկական կողմն ընդգծում է, որ «իրենց առողջապահության նախարարի ասածները, որ հրապարակել են ԶԼՄ-ները, ոչ ճիշտ են մեկնաբանվել»։ Վրաստանի ԱԳՆ ղեկավարը կարծում է, որ այդ տեղեկատվությունը անպայման պետք է վերստուգվի եւ հստակեցվի։

«Բնական է, տրամաբանական է, որ դա չպետք է նրանց դիրքորոշումը լինի, քանի որ չի կարելի պաշտպանված եւ անվտանգ զգալ, եթե շուրջդ լուրջ խնդիրներ են։ Մենք, իսկապես տեսնում ենք, որ Հայաստանում վարակվածների թվի դինամիկան աճում է։ Հայաստանի իշխանություններն իրենք են դա խոստովանում։ Այն դեպքում, երբ Վրաստանում գոյություն ունեցող իրավիճակը դրական է»,- հայտարարել է նա։

ԱԳ նախարարը նաեւ հիշեցրել է, որ COVID-19-ի դեմ պայքարում Վրաստանի ջանքերը բարձր են գնահատում միջազգային գործընկերները, այդ թվում՝ Առողջապահության համաշխարհային կազմակերպությունը։

«Ես ուզում եմ հավատալ, որ դա եղել է ԶԼՄ-ների ոչ ճիշտ մեկնաբանություն եւ այդ մտահոգությունը, որ արտահայտել է Հայաստանի առողջապահության նախարարը դեսպանություն արված զանգով, անկեղծ է»,- հավելել է նա։

Վրաստանը կորոնավիրուսի ախտորոշման թեստեր է ստացել 2020 թվականի փետրվարի 4-ին՝ երկրում կորոնավիրուսի առաջին դեպքի հայտնաբերումից 22 օր առաջ: Արդեն փետրվարի 12-ին մշակվել են հանձնարարականներ եւ ուղեցույցներ, որոնք անհրաժեշտ էին կորոնավիրուսի դեմ պայքարի համար: Կորոնավիրուսով վարակման առաջին դեպքը երկրում գրանցվել է փետրվարի 26-ին: Վրաստանում վարակման ներքին տարածման գործընթացը սկսվել է մարտի 22-ից, երբ երկրում վարակակիրների ընդհանուր թիվը կազմում էր 54:

Այդ ժամանակ Վրաստանում արդեն մտցվել էին արտակարգ դրություն եւ խիստ սահմանափակումներ:

Մայիսի վերջի դրությամբ երկրում անցկացվել է կորոնավիրուսի ախտորոշման մոտ 46 հազար թեստ, ամեն օր թեստավորվում էր 1,6 հազար մարդ:

Այսօրվա դրությամբ Վրաստանում ԱԴ ռեժիմը հանվել է, սակայն քաղաքացիների մի շարք սահմանափակումներ շարունակում են գործել:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Գերմանիայի իշխանությունները վերացրել են AstraZeneca-ի պատվաստանյութի օգտագործման սահմանափակումները
60 տարեկանից բարձր մարդկանց համար․․․
Էկոնոմիկայի նախարարի պաշտոնակատար. Բժիշկս ինձ հորդորել է չպատվաստվել
Ինձ համար միեւնույնն է, թե որ դեղամիջոցով կպատվաստվեմ․․․
Գերմանիայում հաստատել են կորոնավիրուսի դեմ պատվաստվածների արտոնությունները
Մասնավորապես, ԳԴՀ այդպիսի բնակիչների համար մասամբ կչեղարկվեն երկրում տեղաշարժման, առեւտրի կենտրոններ, խանութներ եւ սրճարաններ այցելելու, սահմանափակումները...
ԱՄՆ-ում ավելի քան 3,3 հազար բնակիչ է մահացել կորոնավիրուսի դեմ պատվաստվելուց հետո. Fox
Այդտեղ հաշվել են, որ միջինում նշված ժամանակահատվածում երկրում այդպիսի պատվաստումից հետո ամեն օր մահացել է շուրջ 30 մարդ...
Եթե մենք պատվաստումը հասցնենք պատշաճ մակարդակի, համոզված եմ՝ տնտեսական աճի տեմպը կարագանա. Փաշինյան
ՀՀ-ում կորոնավիրուսի երրորդ ալիքը կայունացման որոշակի միտումներ է ցույց տալիս...
Տաքսիների համար կարող են հատուկ նշաններ թողարկել, որով կտեղեկացվի, որ տվյալ վարորդը պատվաստված է
Գրեթե տեսանելի է, որ ինչ-որ պահից երկրներն արգելելու են չպատվաստված քաղաքացիների մուտքն իրենց տարածք...
Ամենաշատ