COVID-19-ով վարակված վարսահարդարը վտանգի է ենթարկել ավելի քան 90 մարդու առողջությունը, գրում է Metro-ն։

Դեպքը տեղի է ունեցել ԱՄՆ Միսուրի նահանգի Սփրինգֆիլդ քաղաքում մայիսի 12-21-ն ընկած ժամանակահատվածում։ Վարսահարդարը ներկայացել է աշխատանքի՝ անտեսելով կորոնավիրուսով վարակման ախտանշանները։

Ոճաբանը, որի անունը գաղտնի է պահվում, ենթադրաբար վարակել է առնվազն 84 հաճախորդի եւ իր յոթ գործընկերոջը։

Առողջապահության նախարարությունում հայտնել են, որ ե՛ւ վարսահարդարը, ե՛ւ նրա հաճախորդները շփման ժամանակ կրել են դիմակ, ինչը մի քանի անգամ կրճատում է վարակվելու հավանականությունը։